Christoph Heinrich von Weißenfels
Christoph Heinrich von Weißenfels (* 15. September 1649 in Stettin; † 13. November 1729 in Bremen) weer en düütschen Verwaltungsbeamten.
Von Weißenfels is 1649 as Söhn von en borene von Schevenbach un den Dokter Hans Georg von Weißenfels in Stettin boren.[1] He harr toeerst Ünnerricht bi en Huuslehrer un weer later an de Universitäten Frankfort an de Oder[1] un Griepswoold. Na dat Studium hett he in Stettin den Noordschen Krieg mitbeleevt.[1] 1687 is he Agent för de sweedsche Kroon bi’n kaiserlichen Hoff in Wien worrn[1] un 1691 Staatsraad för de Hertogdömer Bremen un Veern, Minister to Bremen för den neddersassischen Riekskreis un Scholarch för de breemsche Kathedraalschool.[1] He weer von 1694 bet 1715 Gogreev von dat Gogericht Achem.[1]
He hett in’n Februar 1682 Margaretha von Ehrenburg (1658–4. Dezember 1721; Dochter von Johann Christoph von Ehrenburg) freet.[1] De beiden hebbt negen Kinner hatt, söss Söhns un dree Döchter.[1] Ünner annern den Söhn Christian Friedrich von Weißenfels (üm 1689–23. April 1773), de na em dat Amt as Gogreev von dat Gogericht Achem övernahmen hett.[1] Von Weißenfels is 1729 doodbleven un in’n Bremer Doom begraven.