Charlotte Garbe

Charlotte Garbe (borene Nimtz; * 24. März 1929 in Eisenach; † 16. Februar 2013 in Lauenförde) weer en düütsch Politikerin vun Bündnis 90/De Grönen.

Garbe hett de Volksschool in Eisenach un in Tutow besöcht un ansluutend eerst en Realschool, later en Gymnasium in Quedlinburg. Se hett Erfohrungen in de Huuswertschap un buterdem ok in de Kranken- un Oltpleeg sammelt. Se weer mit den Upbau vun Börgerinitiativen befaat un in de Partei Bündnis 90/De Grönen tätig. Siet 1968 weer se in de Anti-Atomkraft-Bewegen tätig.

In' März 1978 weer Garbe Mitbegrünnerin vun den Kreisverband Holtminden vun de Gröön List Umweltschuul. Van 1980 bit 1982 weer se Vörstandsliddmaat vun den Bundsverband Börgerinitiativen Umweltschuul e. V (BBU). För de Grönen weer se tonächst van' 21. Juni 1982 bit to'n 20. Juni 1986 Liddmaat in den Landdag vun Neddersassen, wo se van 1982 bit 1983 stellvertreden Vörsittersche vun de Landdagsfraktschoon weer. Buterdem weer se wiels de Legislaturperiood Schriftführerin vun den Landdag vu Neddersassen.

Dornah weer se van 1986 bit 1987 Liddmaat vun den Kreisdag vun den Landkreis Holtminden un ansluutend van 1987 bit 1990 Liddmaat vun den Düütschen Bundsdag. Dor weer se as ordentlich Liddmaat in' Petitionsuschuss un in' Utschuss för Umwelt, Natuurschuul un Reaktorsekerheit tätig. Af Mai 1990 weer se todem Schriftführerin un Liddmaat vun den Öldstenraat.

Literatur

• Barbara Simon: Abgeordnete in Niedersachsen 1946–1994: Biographisches Handbuch. 1996, S. 114.
• Rudolf Vierhaus und Ludolf Herbst (Hrsg.): Biographisches Handbuch der Mitglieder des Deutschen Bundestages 1949–2002. Band 1, A–M, Saur, München 2002, 1. Uplaag, ISBN 3-598-23781-2.