Charlie Shoemake
Charles Edward „Charlie“ Shoemake (* 27. Juli 1937 in Houston, Texas) is en US-amerikaansch Musiker (Vibraphon, Piano) vun den Modern Jazz.
Shoemake kreeg Klaveerünnerricht siet dem he söss Johr old weer un studeer an de Southern Methodist University in Dallas Klaveer. A 1956 weer he in Los Angeles tätig, wo he Privatstünn bi Jimmy Rowles nehm, in de Studios tätig weer, aber ok mit Charles Lloyd, Art Pepper un de Lighthouse All Stars Upnahmen maken dee. Midden vun de 1960er Johren wessel he ünner den Infloot vun Victor Feldman to dat Vibraphon. Tüschen 1966 un 1973 weer he Liddmaat in dat Quintett vun George Shearing un funn dordör internatschonal Beachtung. Wiederhenn wark he an Upnahmen vun Lalo Schifrin, Quincy Jones, Frank Sinatra, Johnny Mandel un Nelson Riddle mit. Midden vun de 1970er Johren hett he en Musikschool apen makt un eegen Gruppen grünnd. 1978 keem de eerste Plaat ünner eegen Naam rut. He gellt as Spezialist för qualitativ hochwertigen „Easy Going Jazz“. Mit sien Fru, de Singerin Sandy Shoemake, leevt he siet 1990 in Cambria.
Diskographisch Henwiesen[ännern | Bornkood ännern]
- Collaborations (1985) mit Bill Holman
- Satin Nights (1985/86) mit Conte Candoli, Don Rader, Phil Woods
- Stand-Up Guys (1989) mit Harold Land
- Land’s End (2000) mit Charles McPherson
Lexigraphisch Indrääg[ännern | Bornkood ännern]
- Martin Kunzler, Jazz-Lexikon Bd. 2. Reinbek 2002; ISBN 3-499-16513-9