Cesare Maldini

Vun Wikipedia
Zur Navigation springen Zur Suche springen
Cesare Maldini, 1969

Cesare Maldini (* 5. Februar 1932 in Triest, Italien; † 3. April 2016[1] in Mailand) weer en italieensch Footballspeler un Footballtrainer. De Footballspeler Paolo Maldini is sien Söhn.

Karriere[ännern | Bornkood ännern]

As Speler[ännern | Bornkood ännern]

Maldini fung sien Loopbahn 1952 bi sien Heimatclub US Triestina an un is 1954 to’n AC Mailand wesselt. Bi Milan fier he bit 1966 sien gröttste Erfolge. Neben natschonalen Meesterschapen wunn he 1963 den Europapokal vun de Landsmeester. De Afwehrspeler stunn dormals in en Mannschap mit Gianni Rivera, José Altafini un Giovanni Trapattoni. För Italien hett he ok an de Football-Weltmeesterschap 1962 in Chile deelnommen, aber all in Vörrunn utscheeden. Nah sien aktiv Loopbahn, de 1967 bi den AC Turin to Enn’ weer, is he Footballtrainer wurrn.

As Trainer[ännern | Bornkood ännern]

Cesare Maldini sien eerste Trainerstatschoon in den italieenschen Profifootball weer af 1974 de US Foggia. As Vereenstrainer harr he aber kien Spood un so hett he 1980 bi de italieenschen Footballverband anhüert. Bi de Football-Weltmeesterschap 1982 in Spanien weer he Assistent vun den Natschonaltrainer Enzo Bearzot un hett so mit an den eersten Weltmeestertitel siet 1938 för Italien mitarbeit. Van 1986 bit 1996 weer he U-21-Trainer vun Italien, bevör he Natschonaltrainer wurr un dat Amt vun Arrigo Sacchi övernehm. He hett de Mannschap 1998 to de Weltmeesterschap in Frankriek führt. De Italiener sünd denn aber in’t Veertelfinale tegen de Mannschap ut Frankriek in’t Elfmeterscheeten utscheeden.

Nah dat Turnier wurr Maldini as Natschonaltrainer entlaaten un dör Dino Zoff ersett.[2] 2001 kehr he as paraguayisch Natschonaltrainer up de internatschonale Footballbühne torüch un qualifizeer sück mit sien Mannschap för de Footballweltmeesterschap 2002 in Japan un Süüdkorea. Hier is he in dat Achtelfinale gegen den lateren Viezweltmeester Düütschland mit 0:1 dör en Door vun Oliver Neuville utscheeden.

Erfolge[ännern | Bornkood ännern]

As Spieler[ännern | Bornkood ännern]

  • Europapokal vun de Landsmeester: 1962/63|1962/63
  • Italieensch Meesterschap: 1954/55, 1956/57]], 1958/59 un 1961/62
  • Coppa Latina: 1956

As Trainer[ännern | Bornkood ännern]

  • Europapokal vun de Pokalsieger 1972/73
  • U-21-Football-Europameesterschap:1992, 1994 un 1996

Weblenken[ännern | Bornkood ännern]

Commons-logo.svg Cesare Maldini. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Calcio in lutto, morto a 83 anni Cesare Maldini. tgcom24, 3. April 2016.
  2. Roberto Di Maggio: Italian National Team Coaches. RSSSF.com, 26. November 2015, afropen an’ 3. April 2016.