Bullwinkel (Landkreis Oosterholt)

Vun Wikipedia
Wapen/Flagg Koort
hett keen Wapen
Bullwinkel
Laag vun Bullwinkel in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Hambargen
Inwahners:
Postleettall: 27729
Vörwahl: 04793
Geograafsche Laag:
Koordinaten:53° 19′ N, 8° 50′ O
53° 19′ N, 8° 50′ O

Karte

Bullwinkel (hoochdüütsch Bullwinkel) is en lütten Oort in de Gemeen Hambargen (Samtgemeen Hambargen) in’n Landkreis Oosterholt, Neddersassen. De Oort höört polietsch al von öllers to Hambargen to.

Geografie[ännern | Bornkood ännern]

De Oort liggt an’n Giehler Beek.

De Naveröörd sünd Steern un Paddewisch in’n Noordoosten, Wallhöben in’n Oosten, Hambargen in’n Süden, Schrum in’n Süüdwesten, Biloh in’n Westen un Lübbs un Wohlthöben in’n Noordwesten.

Historie[ännern | Bornkood ännern]

Bullwinkel weer toeerst blots en enkelte Watermöhl an’n Giehler Beek. De Möhl keem 1240 toeerst in de Oorkunnen vör, as Gerbet von Stotel dat Dörp Lübbs un de Möhl an dat Klooster Oosterholt verköfft hett. 1848 is de Besitter Ortgies Bullwinkel mit sien Hoff in Konkurs gahn. De Hoff is an Gerd Müller verköfft worrn un de Möhl an Dierk Schröder. Eerst na disse Tied sünd dor denn noch en poor Hüüs mehr tokamen.

In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en, grötteren Kreis Oosterholt worrn.

Inwahnertall[ännern | Bornkood ännern]

Johr Inwahners
1793-00-001793[1] 1 Füürsteed
1812-00-001812[2] 8
1824-00-001824[3] 1 Füürsteed
1848-00-001848[4] 13 Lüüd, 1 Huus
1871-12-011. Dezember 1871[5] 38 Lüüd, 6 Hüüs

Religion[ännern | Bornkood ännern]

Bullwinkel is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Bullwinkel is de Freewillige Füürwehr Hambargen mit tostännig.

In’n Westen von’n Oort is 2016 von’n Bedriever wpd en Windpark mit söven Windrääd von’n Typ Enercon E101/3050 boot worrn, de tohoop en Leistung von 21,35 Megawatt hebbt.

Verkehr[ännern | Bornkood ännern]

Dör Bullwinkel löppt de Landsstraat 128, de in’n Noorden över Lübbs, Ollendörp un Wellen na Beverst geiht un in’n Süden na Hambargen an de Bundsstraat 74 ran.

De nächste Autobahn is de Autobahn 27 (Afsnidd BremenBremerhoben). De Opfohrt 13 Uthleer liggt so 16 Kilometer in’n Westen von Bullwinkel.

De nächste Bahnhoff is so bi veer Kilometer wied weg in’n Noordwesten de Bahnhoff Lübbs an de Bahnlien Bremen–Bremerhoben.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 42: https://books.google.de/books?id=jN5QAAAAcAAJ&pg=RA1-PA42
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
  3. C. H. Jansen: Statistisches Handbuch des Königreichs Hannover. 1824, Sied 102: http://books.google.de/books?id=tG0AAAAAcAAJ&pg=PA102
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157: https://books.google.de/books?id=qTZDAQAAMAAJ&pg=RA2-PA157