Brigitte Fokuhl

Brigitte Fokuhl, boren as Peters (* 21. Juni 1940 in Lübeek; † 18. April 2024 in Lübeek) weer ene düütsche Schrieversche, de grotendeels op Plattdüütsch schreev.

Leven

Fokuhl wuss in Lübeek op. Hier güng se op de School un het later as Sakenbearbeidersche arbeidt. Eerst mit rund 50 Jaren begünn se mit de Schrieveree un schreev besünners plattdüütsche Gedichten un Kortgeschichten af. Vun 1999 kemen regelmatig plattdüütsche Glossen in den Lübecker Narichten ruut. Ere Geschichten kemen ok in Böker vun de Quickborn-un de Wachholtz Verlag ruut. Se geev Leesavenden in heel Sleswig-Holsteen. In Lübeek un ümto gestalt se ok plattdüütsche Andachten in de Kark.

Brigitte Fokuhl weer verheiraddt un harr twee Kinner.

Priesen

Fokuhl neem faken an den Schrievweddstried Vertell doch mal deel, den de NDR, Radio Bremen un dat Ohnsorg-Theater jeed Jaar uutricht.

Wark

• Dat reine Swien – Das Sauberschwein von Jan Mogensen, übersetzt von Brigitte Fokuhl, (Pixi-Buch Nr. 1063 – Serie 125), Carlsen Verlag, Hamborg 2000
• Aufgewachsen in Lübeck in den 40er & 50er Jahren, Wartberg Verlag, Gudensberg 2008, ISBN 978-3-8313-1924-4
• Glück will Tiet hebben. Fruunslüüd vertellt Ruutgeven vun Heike Thode-Scheel, Quickborn-Verlag, Hamborg 2011, ISBN 978-3-87651-287-7
• Plattdeutsch dorch de Jahrestieden, Ruutgeven vun Heike Thode-Scheel, Quickborn-Verlag, Hamborg 2012, ISBN 978-3-87651-371-3
• Geboren 40 – Hol dir das Gefühl zurück!, Wartberg Verlag, Gudensberg 2015, ISBN 978-3-8313-2840-6
• Lübeck – Geschichten und Anekdoten : „Das ist ja gediegen!“, Wartberg Verlag, Gudensberg 2015, ISBN 978-3-8313-2432-3

Kiek ok bi

• List vun plattdüütschen Schrieverschen

Weblink

• Brigitte Fokuhl bi „Wartberg Verlag“