Bredenfellermoor

Vun Wikipedia
(wiederwiest vun Breitenfeldermoor)
Zur Navigation springen Zur Suche springen
Wapen/Flagg Koort
hett keen Wapen
Bredenfellermoor
Laag vun Bredenfellermoor in Düütschland
Basisdaten
Bundsland: Neddersassen
Landkreis: Rodenborg
Samtgemeen: Söttmer
Gemeen: Hellweeg
Inwahners:
Postleettall: 27367
Vörwahl: 04269
Geograafsche Laag:
Koordinaten:53° 2′ N, 9° 15′ O
53° 2′ N, 9° 15′ O

Bredenfellermoor (hoochdüütsch Breitenfeldermoor) is en lütten Oort in de Gemeen Hellweeg (Samtgemeen Söttmer) in’n Landkreis Rodenborg, Neddersassen. De Oort höört polietsch von öllers bi Hellweeg mit bi.

Geografie[ännern | Bornkood ännern]

De Oort liggt in en Moorrebeed. Dat Water ut dat Rebeed flütt över den Rehnengraven na de Wümm hen af. In’n Süüdwesten liggt dat Naturschuulrebeed Waller Moor.

De Naveröörd sünd Ahusen un Bokel in’n Noordoosten, Ebersen in’n Oosten, Spang un Heidkroog in’n Süüdoosten, Völkersen in’n Süüdwesten, Hoberloo un Allerdörp in’n Westen un Stell in’n Noordwesten.

Historie[ännern | Bornkood ännern]

Bredenfellermoor is 1848 von Hellweeg ut grünnt worrn.

Verwaltungsgeschicht[ännern | Bornkood ännern]

De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

Inwahnertall[ännern | Bornkood ännern]

Johr Inwahners
1885-12-011. Dezember 1885[1] 26 Lüüd. 4 Hüüs
1905-12-011. Dezember 1905[2] 17 Lüüd. 4 Hüüs

Religion[ännern | Bornkood ännern]

Bredenfellermoor is evangeelsch-luthersch präägt un höört to dat Kaspel von de Marien-Kark in Ahusen.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Bredenfellermoor is över lüttjere Straten anbunnen an de Kreisstraten K 24 in Hoberloo in’n Westen, an de K 205 in Hellweeg in’n Noorden un an de K 31 bi Heidkroog in’n Süüdoosten. De K 31 wedder föhrt na de Bundsstraat 215, de in’n Noordoosten över Ebersen na Rodenborg geiht un in’n Süüdwesten na Veern. De K 24 löppt in’n Süden na Völkersen an de Landsstraat 155 un de K 205 in’n Oosten na Ahusen un in’n Noorden na Söttmer an de B 75. Von Hellweeg geiht de K 234 in’n Westen an de L 155 ran.

De nächsten Autobahnen sünd de Autobahn 27 (Afsnidd BremenWasra) un de Autobahn 1 (Afsnidd HamborgBremen). De Opfohrt 51 Posthusen op de A 1 liggt so ölven Kilometer in’n Noordwesten von Bredenfellermoor an de L 155 un de Opfohrt 24b Langwedel op de A 27 13 Kilometer in’n Süüdwesten.

De nächste Bahnhoff is so bi teihn Kilometer wied weg in’n Süüdwesten de Bahnhoff Langwedel an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. De Bahnhoff Söttmer an de Bahnlien Hamborg–Bremen liggt teihn Kilometer in’n Noorden.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150