Booth (Wusten)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Booth
Laag vun Booth in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27637
Vörwahl: 04741
Geograafsche Laag:
Koordinaten:53° 45′ N, 8° 36′ O
53° 45′ N, 8° 36′ O

Booth (hoochdüütsch Booth) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Spiek mit bi.

Geografie[ännern | Bornkood ännern]

De Oort liggt in de Masch un dat Siedland von Land Wusten. De Noordsee liggt fiev Kilometer in’n Westen. Dat Water ut dat Rebeed warrt över Gravens na de Spieker Waterlöös hen afföhrt.

De Naveröörd sünd de Spieker Noordermarren un Steenau in’n Noorden, Knill in’n Noordoosten, Spieker Südermarren un Hartingspecken in’n Oosten, Northum un Millm in’n Süüdoosten, de Millmer Noordermarren un Bosenbüttel in’n Süden, de Spieker Weg un Cappel in’n Süüdwesten un Spiek in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort weer vör 1852 in dat Süüdmarner Veerdel von dat Kaspel Spiek un hett to dat Vaagdiegericht Land Wusten tohöört. Von 1852 bet 1885 weer dat in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Spiek is an’n 1. März 1974 mit de Gemeenreform in Neddersassen Deel von de Gemeen Noordholt worrn. To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 24 Lüüd, 3 Hüüs

Religion[ännern | Bornkood ännern]

Booth is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Booth liggt an de Straat Spieker Südermarren, de in’n Noorden an de Kreisstraat 14 ran löppt un in’n Süden an de Kreisstraat 71. De K 14 geiht in’n Süüdwesten na Spiek un in’n Oosten dör Knill un an de Landsstraat 135 ran. In’n Noorden geiht von de K 14 de K 74 dör Dieksenn un na Noordholt af. De K 71 löppt in’n Westen na Cappel un münnt in’n Oosten in de L 129, de in’n Süüdwesten an Dorum, Mulsen un Wremen löppt un in’n Noordoosten na Millm.

De nächste Autobahn is de Autobahn 27 (Afsnidd BremerhobenCuxhoben). De Opfohrt 3 Noordholt liggt knapp söss Kilometer in’n Oosten von Booth an de K 14.

De nächste Bahnhoff is so bi fiev Kilometer wied weg in’n Noordoosten de Bahnhoff Noordholt an de Bahnlien Bremerhoben–Cuxhoben.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154