Blink (Hoff)

Vun Wikipedia
Wapen/Flagg Koort
hett keen Wapen
Blink
Laag vun Blink in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners:
Postleettall: 27478
Vörwahl: 04722
Geograafsche Laag:
Koordinaten:53° 50′ N, 8° 49′ O
53° 50′ N, 8° 49′ O

Karte

De Hoff Blink (hoochdüütsch Blink) is en Oort in de Gemeen Cuxhoben in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Olenbrook.

Geografie[ännern | Bornkood ännern]

De Oort liggt in de Masch direkt achtern Diek von de Ünnerelv in Hadeln. Dat Water ut dat Rebeed warrt över Gravens na’n Olenbroker Kanaal hen afföhrt. Bi’n Blink liggt an de Elv dat Glameyer-Stack.

De Naveröörd sünd Müggendörp in’n Oosten, Schodenbüttel un Bingen in’n Süüdoosten, dat Oosterenn von Olenbrook in’n Süden un Wehldörp in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is de Hoff tohoop mit Wehldörp an de Gemeen Olenbrook kamen. De Gemeen Olenbrook is an’n 1. Juli 1972 mit de Gemeenreform in Neddersassen Deel von de Gemeen Cuxhoben worrn. Sietdem billt Olenbrook binnen de Gemeen en Oortschop, to de ok de Blink mit tohöört.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 12 Lüüd, 1 Huus
1885-12-011. Dezember 1885[2] 9 Lüüd, 1 Huus
1905-12-011. Dezember 1905[3] 10 Lüüd, 1 Huus

Religion[ännern | Bornkood ännern]

De Blink is evangeelsch-luthersch präägt un höört to dat Kaspel von de Severus-Kark in Oterndörp.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur[ännern | Bornkood ännern]

För’n Hoff Blink is de freewillige Füürwehr Olenbrook mit tostännig.

Verkehr[ännern | Bornkood ännern]

An’n Blink löppt de Kreisstraat 4 langs, de in’n Westen na Olenbrook geiht un in’n Oosten na Oterndörp. Över beide Öörd kann een na de Bundsstraat 73 kamen, de von Olenbrook in’n Noordwesten na Cuxhoben löppt un von Oterndörp in’n Süüdoosten över Neehuus, Kumbarg un Hemmoor na Stood.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so acht Kilometer in’n Westen von’n Blink an de B 73.

De nächste Bahnhoff is söss Kilometer wied weg in’n Süüdoosten de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner von’n Hoff Blink gaht na de Grundschool Olenbrook.

Lüüd[ännern | Bornkood ännern]

De Footballspeler André Hahn is op’n Hoff Blink opwussen.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69