Black Rainbow
| Filmdaten | |
|---|---|
| Plattdüütsch Titel: | — |
| Originaltitel: | Black Rainbow |
| Düütsch Titel: | Black Rainbow – Schwarzer Regenbogen |
| Produkschoonsland: | Grootbritannien |
| Johr vun’t Rutkamen: | 1989 |
| Läng: | 98 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Mike Hodges |
| Dreihbook: | Mike Hodges |
| Produkschoon: | Donald S. Anderson, Geoffrey Helman John Quested George A. Walker |
| Musik: | John Scott |
| Kamera: | Gerry Fisher |
| Snitt: | Malcolm Cooke |
| Szenenbild: | Voytek |
| Kledaasch: | Clifford Capone |
| Dorstellers | |
| |
Black Rainbow (op Platt so veel as „Swart Regenbagen“; dt.: Black Rainbow – Schwarzer Regenbogen) is en britschen Speelfilm ut dat Johr 1989 mit Rosanna Arquette, Jason Robards un Tom Hulce in de Hööftrullen. De Speelbass vun den Thriller weer Mike Hodges, de ok dat Dreihbook schreven hett. Dreiht worrn is de Film in de USA in’n Bundsstaat North Carolina.
Inholt[ännern | Bornkood ännern]
Gary Wallace, en Journalist bi en lokal Daagblatt föhrt na de Provinz in de USA op de Söök na en Fro, de Martha heet. He maakt ehr utfinnig, man se schall all johrelang nix mehr snackt hebben. He besocht ehr un fraagt eh na en Avend in de verleden Tiet, aver se sleiht em de Döör vör de Nees to. Den blennt de Film torüch:
Martha Travis is mit ehrn Vadder Walter ünnerwegens un föhrt mit’n Tog in de USA vun een lütte Stadt na de annere. Se tridd dor as en Medium op un deit so as dat se mit de Doden snacken kunn. Dormit lockt se en grode Tall vun Lüüd an un speelt jüm mit en Karkenchoor un Orgelmusik avend för Avend vör, dat se Kontakt opnehmen deit mit de starven Lüüd, dat se jemehr Stimmen höörn kann un se as en Warktüch vun Gott utsehn is, de Anhöörigen to vertellen, wat jemehr Doden seggen doot. De Lüüd glöövt dat ok un freit sik, wenn se jem wat vun dat schöne Leven na’n Dood ahn Sorgen un Arger vertellt. Vun dat Geld wat se vun de Lüüd kriegt, leevt de beiden.
Dat Leven is för de beiden nich schöön, aver se bruukt dat Geld. Dat geiht sowiet ok ganz goot, bit Martha een Avend mit en Fro snackt un ehr Gröten utrichten deit - man, de Kerl vun den de Gröten kamt, is ehr Mann un sitt lebennig för’n Feernsehn. Dat maakt Opsehn un op Drängen vun ehrn Vadder entschulligt Martha sik ok bi de Fro. Man, en beten later kummt en Opdragsmöörder un schütt den Kerl tatsächlich doot. De Press hett dor natürlich en groot Oohr kregen, un Gary Wallace warrt losschickt, de beiden natoföhren. Man seggt sik neemlich, dat Martha weten schall, wokeen de Möörder is.
Martha un Walter hebbt dorvun nix mitkregen un sünd wieterföhrt. Gary föhrt achterran un vertellt dorvun, man de Vadder will noch jümmer nich recht glöven, dat sien Dochter tatsächlich in de Tokunft kieken kann. Dat stellt sik rut, dat ok ehr Mudder al as Medium ünnerwegens weer. An den Avend hebbt se wedder en Vörstellen un dat lieke passeert noch mol, dat se mit Lüüd snacken deit, de noch leeven doot. As an’n fröhen Morgen dorna en öörtlich Fabrik explodeert warrt kloor, dat Martha dat würklich beleevt hett un sik de Stimmen nich inbillt hett. Nu is de Möörder aver ok achter ehr ran, as se sien Naam kennt.
As dat den nächsten Avend wedder en Vörstellen gifft, liggt Walter besopen in’t Hotel un Martha maakt allns alleen. Man an Steed dat se de Lüüd wat vörspeelt, vertellt se, dat dor keen Leven na’n Dood kummt. In de Twüschentiet is de Polizei överall un passt op ehr op, man se höört wedder Stimmen ut de Tokunft un mutt wies warrn, dat disse Nacht ehr Vadder starven mutt. He sütt sien Dochter as en Geist opduken un weet nu ok, dat sien Tiet üm is. As he weglopen will, dröppt he op den Möörder. De sütt aver ok den Geist vun Martha und schütt op ehr, man as se gor nich würklich dor is, kriggt Walter de Schööt af un starvt, as dat vorutseggt weer. De Möörder warrt aver vun de Polizei ok ümbrocht.
Gary blifft bi Martha. As se wedder kloor kummt trööst he ehr, man as he sik ümdreiht, is se verswunnen. As he nu Johren later bi Martha is, kummt he nich an ehr ran, hett aver Biller maakt vun ehr. An’n End will he de Biller sien Baas wiesen - man op de Fotos is nümms to sehn.
Kritiken[ännern | Bornkood ännern]
Blickpunkt: Film: Spannender, atmosphärisch dichter Thriller um das Medium Martha (Rosanna Arquette), die mehrere Morde vorhersieht. Ein Reporter (Tom Hulce) heftet sich an ihre Fersen: in übersinnlicher Atmosphäre kommt es zum Showdown.
VideoWoche: Spannender, atmosphärisch dichter Thriller mit übersinnlichem Touch und großer Besetzung. Regisseur Mike Hodges, dessen „Auf den Schwingen des Todes“ deutschen Videofreunden noch in bester Erinnerung seien dürfte, kann diesmal mit dem Star-Trio Rosanna Arquette. Tom Hulce und dem zweifachen Oscar-Preisträger Jason Robards aufwarten. Deren großartige schauspielerische Leistungen und die packende Inszenierung werden die Zuschauer die eher dünne Story vergessen lassen.
Utteken[ännern | Bornkood ännern]
Black Rainbow is en düsteren Film, de nich richtig afslaten is un ok keen Happy End hett. De Film is mit fief Priesen uttekent worrn un weer vör een wieteren nomineert:
- 1989: Den Sitges-Award vun dat Katalaansch Internatschonal Filmfestival för Rosanna Arquette as Beste Schauspelerin.
- 1989:Den Sitges-Award vun dat Katalaansch Internatschonal Filmfestival för Mike Hodges för dat Best Dreihbook.
- 1990: Den International Fantasy Film Award vun’t Fantasporto för Rosanna Arquette as Beste Schauspelerin.
- 1990: Den International Fantasy Film Award vun’t Fantasporto för Mike Hodges för den Besten Film.
- 1991: Den Pries vun’t Mystfest as Beste Schauspelerin för Rosanna Arquette .
- 1991: Nomineeren för den Pries vun’t Mystfest för’n Besten Film för Mike Hodges.
Websteed[ännern | Bornkood ännern]
- Black Rainbow in de Internet Movie Database (engelsch)