Snorre Björkson

Vun Wikipedia
(wiederwiest vun Björkson)

Snorre Björkson (* 1968 in Oosterfehn, Schooltied in Veern) is en plattdütschen Schriever und Musiker mit oostfreeske, norweegsche un baltsch-slawsche Wutteln. He leevt in Wunsdörp bi dat Steinhuer Meer un af un an in Odense. He hett 1998 den Freudenthal-Pries för Lyrik kregen. Bi plattdüütsche Warke nömmt he sik sülvst meist bloß mit'n Vörnaam Snorre. Sien Platt is en Mengsel vun dat Oostfreesk vun Oosterfehn un vun Mardrupsk. Södder 1999 is Snorre Maat vun de Jury to den Freudenthal-Pries. He höört to de Lüüd, de sik 1989 de plattdüütsche Flagg „Noordlandflagg“ utdacht hebbt. In sien Jugend weer he as Stratenmusiker up’n Patt, tietlang in Växjö un Lund in Sweden.

Vun 2000 bet 2011 hett he Höörspelen för Radio Bremen schreven.

Plattdüütsche Warke[ännern | Bornkood ännern]

Snorre Björkson hett in Mardrup mit dat Schrieven vun plattdüütsche Vertellsels anfungen. För sien Höörspelen hett he dreemaal den tweten Plats bi'n Höörspeelweddbewarf in Zons kregen. Höörspelen, de södder 2000 bi Radio Bremen/NDR rutkamen sünd:

De Hasenflapp-Rapport
Präludium för Josse
Dat Swimmen in'n Spegel
Woso hest Du mi upp dat Ailand bröcht?
Weer een Vöörjåår un ik bin noch bi to leven
Dat Kind ünner't Ies
Märte un Joe
Njorka un de Fents van'n Sümmer

Anners wat[ännern | Bornkood ännern]

Sien düütschen Roman Präludium für Josse, de 2006 bi de Aufbau-Verlag Berlin rutkamen is, vertellt vun sien Schooltiet in Veern. Vunaf 1997 bet 2002 is he för JANUN e.V. mit Märkenvertellen op′n Patt in Scholen wesen:

Lisa rettet den Frühling
Julian und die Herbsttrolle
Naima und der Spielmann

Snorre Björkson hett een Theatergrupp, de nöömt sik „ZettelsTheaterOffensive“.

Weblenken[ännern | Bornkood ännern]