Gemeen Bissen

Vun Wikipedia
(wiederwiest vun Bissen)
Wesseln na: Navigatschoon, Söök
Wapen/Flagg Koort
Wapen vun Bissen
Bissen
Laag vun Bissen in Düütschland
Basisdaten
Bundsland: Neddersassen
Landkreis: Heidkreis
Flach: 128,55 km²
Inwahners: 6.241 (2013-12-3131. Dezember 2013)
Inwahnerdicht: 48,5 Inwahners pro km²
Hööchd: 90 m över de See
Postleettall: 29646
Vörwahl: 05194
Geograafsche Laag:
Koordinaten:53° 5′ N, 10° 0′ O
53° 5′ N, 10° 0′ O
Gemeenslötel: 03 3 58 002
Öörd in de Gemeen: 9
Börgermeester: Sabine Schlüter
Websteed: www.bispingen.de
Landkreis Heidkreis Neddersassen Landkreis Nienborg/Weser Region Hannover Landkreis Veern Landkreis Rodenborg Landkreis Horborg Landkreis Lümborg Landkreis Ülzen Landkreis Celle Linneweh Gemeen Bookholt (Aller) Gemeen Swarms Gemeen Äsel Gemeen Hamstorp Gemeen Gilten Gemeen Graitn Gemeen Eickeloh Gemeen Hodenhagen Gemeen Böhm Gemeen Hüßel Gemeen Ahlden (Aller) Gemeen Frankenfeld Gemeen Reten Gemeen Wasra Gemeen Neenkerken Gemeen Bomlitz Gemeen Snevern Oosterheid Gemeen Fambossel Gemeen Witzendörp Gemeen Soltau Gemeen Munste Gemeen Bissen
Laag von de Gemeen Gemeen Bissen in’n Landkreis Heidkreis (Koort lett sik anklicken)

Bissen is en Eenheitsgemeen in’n Landkreis Heidkreis, Neddersassen in de Lümborger Heid. De Eenheitsgemeen hett ruchweg 6.300 Inwahners un ümfaat negen Oortsdelen.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Heidkreis beschreven un kann dor naleest waarn.

Geografie[ännern | Bornkood ännern]

De Wilser Barg in de Lünborger Heid

Bissen liggt in de Lümborger Heid an den lütten Luhe-Stroom, an’n Rand vun’n Naturpark Lümborger Heid. To dat Rebeet vun de Gemeen höört ok de Wilser Barg, de mit 169,2 m över NN de hööchste Steed vun de Lümborger Heid is.

De Eenheitsgemeen Bissen liggt in’n Noordoosten an’n Rand vun’n Landkreis woneem se na Noorden hen an’n Landkreis Horborg mit de Samtgemeen Hanstää anslutt. Na Oosten hen liggt de Landkreis Lümborg mit sien Samtgemeen Amlkusen.

De Navergemenen sünd Unnel un Äästörp in’n Noorden, Soderstörp in’n Oosten, Rehlingen in’n Oosten (de beiden in’n Landkreis Lümborg), Munste in’n Süden, Soltau in’n Süüdwesten un Snevern in’n Westen.

Historie[ännern | Bornkood ännern]

De Gemeen Bissen is an’n 1. März 1974 ut de olen Gemenen Bissen un Bossel tohoopleggt worrn. An’n 16. März sünd dor ok noch de Gemenen Behrn (to de siet 1. März 1974 ok de Gemenen Hörpel, Volkern, Wils un en Deel von Ehrhorn höört hebbt), Hützel un Stimbeck tokamen.

Inwahnertall[ännern | Bornkood ännern]

Johr Inwahners
1987-12-3131. Dezember 1987[1] 5.088
1992-12-3131. Dezember 1992[1] 5.373
1997-12-3131. Dezember 1997[1] 5.816
2002-12-3131. Dezember 2002[1] 6.224
2007-12-3131. Dezember 2007[1] 6.240
2012-12-3131. Dezember 2012[1] 6.168

Politik un Verwalten[ännern | Bornkood ännern]

Oortsdeelen[ännern | Bornkood ännern]

De Gemeen sett sik ut negen Oortsdelen tohopen [2]:

Gemeenraad[ännern | Bornkood ännern]

De Gemeenraat hett mit den Börgermeester negenteihn Raatsliddmaten.

Gemeenraad
Johr \ Partei Tall CDU SPD BB Gröne FW
2006 18 9 5 2 2
2011 18 8 4 3 2 1


Liddmaten
  • 2011:
    As Börgermeester: Sabine Schlüter
    CDU: Steffen Albers, Friedhelm Bockelmann, Hinrich Brammer, Christian Cohrs, Marietta Hemmerle, Eckhard Irrgang, Ingo Lunau, Klaus-Dieter Renk
    SPD: Karin Einhoff, Thomas Kuhle, Wolfgang Meyer, Olaf Suhk
    Bissener Börgerlist: Jens Bülthuis, Christian Hanstein, Andrea von Bushe
    Grupp Gröne FWBB: Frank-Jürgen Ewigleben, Werner Hillewerth, Rainer Prescher

Börgermeesters[ännern | Bornkood ännern]

Tied Naam Partei
1995-31. Mai 2010 Detlev Loos ahn Partei
1. Dezember 2010- Sabine Schlüter ahn Partei

Wapen un Flagg[ännern | Bornkood ännern]

Dat Wapen von de Gemeen wiest op sülvern Grund över en grönen Barg in’n Schildfoot en grönen Machollerboom. de Ecken baven vörn un achtern ünnen sünd afdeelt in gröön. De Eck achtern ünnen wiest negen sülvern Punkte.

De negen Punkte staht för de negen Öörd, ut de sik de hüdige Gemeen billt hett.

Kultur[ännern | Bornkood ännern]

Blangen de landschoppliche Kultur gifft dat kulturelle Anbotten ok op annere Rebeden: Dat gifft Sportplätz in Bissen un in Hützel, woneem dat bito ok en Tennisanlaag gifft. In Bissen kann een en BMX-Bahn nütten. Wieter gifft dat in de Gemeen eenige Verenen ut verscheden Richten, as to’n Bispeel Sport- un Schüttenverenen oder de Freewilligen Füerwehren. Mit de Traditschoon befaat sik Verenen as dat Landvolk, de Heimatverein oder ok de Föddervereen Luhegrund, un nich toletzt gifft dat ok mehrere musikaalsche Gruppen un Verenen, de sik mit den Tourismus uteneensetten doot.

Ok eenige sünnere Bowarken un Öörd sünd för Besökers intressant, so to’n Bispeel de Wilser Barg oder de Landschopspark Iserhatsche. In de Neeg vun Volkern gifft dat ok Bultengräver ut de Bronzetiet to bekieken. Sünnere Hüüs sünd to’n Bispeel de Ole Kerk ut dat Johr 1353, de vun Oostern bit Silvester jeden Dag apen is, oder Dat ole Huus bi Wils, wat een vun de öllsten Freelichtmuseen vun Düütschland is.

Weertschap[ännern | Bornkood ännern]

Binnen in’n SnowDome

Bissen wiest eenige Weertschopsstandöörd bi Behren, Bissen un annere op. Intressant is de Gemeen sünners op dat Rebeet Tourismus. Dör de Laag in de Lümborger Heid warrt dat Rebeet to’n Utspannen in de Neeg un ok wegen sien Egenschoppen as Naturschuulrebeet besöcht. In de Neeg hebbt sik eenige Anbotten daallaten: So gifft süüdlich vun Bissen den Ferienpark Bissener Heid vun de Keed Center Parcs un nich wiet weg ok dat Ralf Schumacher Kartcenter.

Siet Harvst 2006 steiht in Bissen ok de SnowDome Sölden, en Hall, in de man Ski- un Snowboard fohren kann. De Investers vun de Hall versprekt sik dör de Neeg to Hamborg, Bremen un Hannober bit to 365.000 Besökers in’t Johr. Nich meh rin de Gemeen, aver ok nich wiet weg is butendem de Freetietpark Heid-Park bi Soltau.

Verkehr[ännern | Bornkood ännern]

Dör de Eenheitsgemeen verlöpt de Bundsautobahn 7 mit de Anslussteed Bissen. Bundstraten gifft dat in de Eenheitsgemeen nich, man in’n Süüden, in de Gemeen Munste, föhrt de B 209 vörbi.

Bito gifft dat de beiden Landsstraten L 211 un L 212. De L 211 twiegt in’n Noorden vun Snevern vun de B 3 af un föhrt över Haberbeck un Behren na Bissen. Vun dor verlöpt se na Süüden in de Eenheitsgemeen Munste, woneem se de B 209 krüüzt un in de B 71 inmünnt. De L 212 twiegt in Bissen vun de L 211 af un verlöpt na Noorden över Borstel un Volkern wieter in’n Landkreis Horborg.

De Iesenbahnverkehr speelt in Bissen keen grote Rull. Man, dör de Gemeen verlopt Strecken vun de beiden Lüttbahnen Winsen–Ebendörp–Hützel un Lümborg-Soltau.

Bornen[ännern | Bornkood ännern]

  1. 1,0 1,1 1,2 1,3 1,4 1,5 http://www.nls.niedersachsen.de/
  2. http://www.bispingen.de/seite/113377/gemeinde_bispingen.html

Weblenken[ännern | Bornkood ännern]

Commons-logo.svg Gemeen Bissen. Mehr Biller, Videos oder Audiodateien to’t Thema gifft dat bi Wikimedia Commons.