Billerbook Düütschland
| Daten vun de Reeg | |
|---|---|
| Plattdüütsche Titel: | Billerbook Düütschland |
| Originaltitel: | Bilderbuch Bilderbuch Deutschland (1996-2005) |
| Produkschoonsland: |  Düütschland
|
| Produzent(en): | |
| Episodenläng: | 45 Minuuten |
| Episodentall: | 500+ |
| Originalspraak: | |
| Genre: | |
| Eerst Sennen: | 7. Januar 1996 op Das Erste |
Billerbook Düütschland (hoogdüütsche Originaaltitel: Bilderbuch, bet 2005 Bilderbuch Deutschland) is ene Dokumentatschoonsreeg vun de ARD, de je Folg je ene Regioon, Landschop oder Stad in Düütschland vöörstellt. De Reeg leep twüschen 1996 un 2010 bi de Senner Das Erste. Nadem dat de Senner de Reeg 2010 instellt harr, het de RBB af un an noch nee’e Folgen för dat RBB Fernsehen dreit.
De verscheden Landsrunkfunkanstalten hebbt för de Regionen, Landschoppen un Städer in eer Sennrebeed egen Folgen dreit, de denn de Senner Das Erste uutstraalt het.
De NDR het in de Plattdüütsche Week 2006 ünner de Titel „Billerbook Düütschland“ veer Folgen op Plattdüütsch uutstraalt.
Inhoold
[ännern | Bornkood ännern]De Reeg stell de lokalen Traditschonen, Besünnerheiden, de Köök, Architektuur, Natuur un Historie in ene Landschop, Regioon oder Stad vöör. So wull de Serie Kultuur un Natuur in je enen Rebeed präsenteren. De verscheden Rebeden sünd daar to’n groten Deel loovt worrn, meist so as een Reklaam för de Regioon. Problemen in den verscheden Regionen het de Serie nich anspraken.
Na tein Jaren kreeg den Reeg 2006 den körteren Naam Bilderbuch un enen nee’en Vöörspann. Sied 2007 bericht de Reeg ook över Regionen in de Naverschop vun Düütschland, so as ene Folg över Luxemborg in’n Januar 2007.
Sennterminen
[ännern | Bornkood ännern]Senntermin weer sünndaags Klock 13:45 op Das Erste. 2010 het de ARD de Reeg instellt, denn na Ansicht vun de Rundfunkverbund weren alle Regionen in Düütschland vöörstellt. De Regionaalsenner un 3Sat straalt Folgen uut de Reeg ook vundaag noch nochmaal uut.
Plattdüütsche Folgen
[ännern | Bornkood ännern]De NDR het in de Plattdüütsche Week 2006 veer Folgen uut de Reeg Bilderbuch Deutschland op Plattdüütsch synchroniseert un jeedmaal Klock 14:30 ünner de Titel „Billerbook Düütschland“ uutstraalt. De lüttke Reeg het Helgoland, dat Eemsland, de Lümbörger Heid un Üsdom vöörstellt. Den Audiokommentaar het Uwe Michelsen översett un Jasper Vogt inspraken.[1]
| Folg | Titel | Senntermin |
|---|---|---|
| 1. | Billerbook Düütschland: Helgoland | Maandag, 2. Oktober 2006 |
| 2. | Billerbook Düütschland: Emsland | Middweken, 4. Oktober 2006 |
| 3. | Billerbook Düütschland: De Lüünborger Heid | Dunnerdag, 5. Oktober 2006 |
| 4. | Billerbook Düütschland: Usedom | Freedag, 6. Oktober 2006 |
Kiek ook bi
[ännern | Bornkood ännern]Nettverwies
[ännern | Bornkood ännern]- Bilderbuch op fernsehserie.de (hoogdüütsch)
- Weten: Plattdeutsch im Fernsehen op plattmakers.de (hoogdüütsch)