Bill Holman

Bill Holman (ca. 1961)

Willis Leonard „Bill“ Holman (* 21. Mai 1927 in Olive, Kalifornien; † 6. Mai 2024) weer en US-amerikaansch Jazzmusiker (Arrangeur, Komponist, Saxophonist).

Leven

Holman hett wiels sien Highschooltiet Tenorsaxophon lehrt. Nah den Militärdeenst un en Utbillen to’n Ingenieur an de University of California, Los Angeles hett he entscheed, Musik för Big Bands to schrieven un hett up dat Westlake College in Los Angeles studeert. He schreev 1951 för Charlie Barnet. Siet 1952 weer he as Arrangeur un Instrumentalist in dat Orchester vun Stan Kenton beschäftigt (New Concepts of Artistry in Rhythm). He hörr sowohl as Instrumentalist as ok as Komponist un Arrangeur prägend to den West Coast Jazz vun de 1950er-Johren, wo he in Combos um Shorty Rogers un Shelly Manne speel un later en eegen Grupp mit Mel Lewis leiten dee. Ansluutend weer he Baas vun en eegen Big Band, de immer weer för Plattenproduktschonen tosommenropen wurr Dorneben hett he mit de meesten wichtigen Stars un Klangkörpern vun den modernen Jazz tosommenarbeit, so Louie Bellson, Count Basie, Terry Gibbs, Woody Herman, Bob Brookmeyer, Buddy Rich, Gerry Mulligan, Doc Severinsen, de WDR- oder de hr-Bigband. He hett för Vokalisten as Anita O’Day, Sarah Vaughan, Tony Bennett, Carmen McRae, Judy Garland, Ella Fitzgerald, Mel Tormé, Michael Bublé, June Christy, Natalie Cole un The Fifth Dimension schreven.

Vun sien, faken polyphon anleggt Kompositschonen wurrn besünners bekannt: Bright Eyes, Evil Eyes, Trilogy, aber ok Filmmusiken as to Swamp Woman (1956), Get Out of Town (1959) oder Three on a Coach (1966). 1996 kreeg he för sien Kompositschoon A View From the Side, inspeelt mit de Bill Holman Band, un 1998 för Arrangements up sien CD Brilliant Corners – The Music of Thelonious Monk en Grammy. Mehrfack wurr he up en vun de führend Ränge vun den Down-Beat-Polls för „Arrangement“ wählt.

2010 kreeg he de NEA Jazz Masters Fellowship. Ok in de American Jazz Hall of Fame is he upnommen wurrn.

Bill Holman is an’n 6. Mai 2024 in dat Öller vun 96 Johren storven.

Diskografisch Henwiesen

• Jive for Five (VSOP, 1958) mit Jimmy Rowles, Wilfred Middlebrooks, Mel Lewis
• Jazz Erotica (1958)
• West Coast Jazz in Hi Fi (1959)
• Bill Holman’s Great Big Band (1960)
• Satin Nights (Black Hawk, 1986)
• Bill Holman Meets the Norwegian Radio Big Band (Taurus, 1987) mit Atle Hammer
• A View from the Side (JVC, 1995)
• Brilliant Corners: The Music of Thelonious Monk (JVC, 1997)
• Further Adventures (Koch, 1998)
• Jazz in Concert (Hänssler, 2004), mit de SWR Big Band
• The Bill Holman Band Live (Jazzed Media, 2004)
• Hommage (2007)
• Carl Saunders: The Lost Bill Holman Charts (2007)

Sammlung

• Bob Cooper, Bill Holman & Frank Rosolino – Kenton Presents Jazz (1954–60). Mosaic, 1999 – 4 CDs mit Herb Geller, Bob Gordon, Don Fagerquist, Stu Williamson, Bob Enevoldsen, Curtis Counce, Stan Levey, Nick Travis, Max Bennett, Carl Perkins, Leroy Vinnegar, Larry Bunker, Conte Candoli, Paul Moer, Ralph Peña, Shelly Manne, Al Porcino, Ray Triscari, Frank Rosolino, Joe Maini, Richie Kamuca, Jack Nimitz, Jimmy Rowles, Joe Mondragon, Mel Lewis – Rest vun de Sammlung bi Bob Cooper & Frank Rosolino

Literatur

• Richard Cook, Brian Morton: The Penguin Guide to Jazz Recordings. 8. Uplaag. Penguin, London 2006, ISBN 0-14-102327-9.

Weblinks

• Bill Holman bi Discogs (engelsch)