Bernhard Lohmüller

Bernhard Lohmüller (* 25. Oktober 1891 in Donnerschwee; † 2. März 1952 in Bremerhoben) weer en düütschen Politiker von de SPD.

Lohmüller is 1891 in Donnerschwee boren. He hett en Lehr as Dreiher un Maschinenboer maakt. 1908 is he Maat in de Sozialistische Arbeiderjugend worrn un 1916 in de SPD. Von 1910 af an weer he in de fre’e Gewerkschaftsbewegung aktiv. He is 1945 Vörsitter von’n DGB in Bremerhoben un 1946 Bremerhobener Raadsherr. In de 1. un 2. Wahlperiood weer he von’n 13. Februar 1947 af an Maat von de Breemsche Börgerschop. He is ut de Börgerschop to’n 22. September 1949 utscheden, nadem he in’n Bundsdag wählt worrn is. För em is Albert Wenzel in de Börgerschop narückt. Bi de Wahl 1949 to’n Düütschen Bundsdag hett he dat Mandaat in’n Wahlkreis Bremerhoben-Bremen-Noord mit 37,3 % von de Eerststimmen wunnen. He weer von 1949 bet to sien Dood 1952 Afornten in’n Bundsdag. Na sien Dood is Philipp Wehr för em as Afornten in’n Bundsdag nawählt worrn.

Literatur

• Rudolf Vierhaus un Ludolf Herbst (Rutgevers): Biographisches Handbuch der Mitglieder des Deutschen Bundestages 1949–2002. Band 1, A–M, Saur, München 2002, ISBN 3-598-23781-2, S. 514