Baaksbarg

Vun Wikipedia
(wiederwiest vun Backsberg)
Zur Navigation springen Zur Suche springen
Wapen/Flagg Koort

Wapen vun Baaksbarg

Baaksbarg
Laag vun Baaksbarg in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04207, 04293
Geograafsche Laag:
Koordinaten:53° 6′ N, 9° 4′ O
53° 6′ N, 9° 4′ O

Baaksbarg (hoochdüütsch Backsberg) is en lütten Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietsche Oortschop Bassen.

An’n Oostrand von Baaksbarg liggt ok dat enkelte Huus von Bassenerwümm.

Geografie[ännern | Bornkood ännern]

De Oort liggt in dat siede Rebeed twüschen den Süüdarm un den Noordarm von de Wümm.

De Naveröörd sünd Hu’e mit de Breednau in’n Noorden, Kamp in’n Noordoosten, Otterbarg in’n Oosten, Nadah, Egypten un Brillkamp in’n Süüdoosten, Köbens, Bornmoor un Bre’enmoor in’n Süden, Booköss un Sao’ern in’n Süüdwesten un Ebbensiek un Rutendorp in’n Noordwesten.

Historie[ännern | Bornkood ännern]

De Oort Baaksbarg kummt 1823 toeerst in ole Böker vör.[1]

1895 hett de Anboer Hermann Fehsenfeld de Kunzession kregen, in Baaksbarg en Gasthuus apen to maken.[1]

Verwaltungsgeschicht[ännern | Bornkood ännern]

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort hett von öllers bi de Gemeen Bassen mit bihöört. De Gemeen Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn.

Inwahnertall[ännern | Bornkood ännern]

Johr Inwahners
1848-00-001848[2] 5 Lüüd. 1 Huus
1871-12-011. Dezember 1871[3] 3 Lüüd. 1 Huus
1885-12-011. Dezember 1885[4] 4 Lüüd. 1 Huus
1905-12-011. Dezember 1905[5] 5 Lüüd. 1 Huus

Religion[ännern | Bornkood ännern]

Baaksbarg is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Baaksbarg is de freewillige Füürwehr Bassen mit tostännig.

Verkehr[ännern | Bornkood ännern]

Dör Baaksbarg löppt de Kreisstraat 2, de in’n Noorden na Hu’e un Quelkhoorn un dor an de Landsstraat 154 ran geiht un in’n Süüdwesten över Sao’ern na Eiten an de Landsstraten L 168 un L 167. De L 154 föhrt von Quelkhoorn in’n Noordwesten na Leendaal un in’n Oosten na Otterbarg, Söttmer un Rodenborg. De L 167 geiht von Eiten in’n Süden na Achem.

De nächste Autobahn is de Autobahn 1 (Afsnidd BremenHamborg). De Opfohrt 52 Eiten liggt so acht Kilometer in’n Süüdwesten von Baaksbarg an de L 167.

De nächste Bahnhoff is so bi veer Kilometer wied weg in’n Süüdwesten de Bahnhoff Sao’ern an de Bahnlien Hamborg’Bremen.

Scholen[ännern | Bornkood ännern]

De Kinner ut Baaksbarg gaht na de Grundschool Bassen. Ok ganz fröher al sünd de Kinner in Bassen na de Volksschool gahn.

Literatur[ännern | Bornkood ännern]

Footnoten[ännern | Bornkood ännern]

  1. a b Johannes Grote: 800 Jahre Oyten. Besiedlung und Entwicklung eines Geestdorfes. Heimatvereen Eiten, 2013, Sied 10
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2