Bülsdörp

Vun Wikipedia
(wiederwiest vun Bülsdorf)
Zur Navigation springen Zur Suche springen
Wapen/Flagg Koort
hett keen Wapen
Bülsdörp
Laag vun Bülsdörp in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Neehuus
Inwahners:
Postleettall: 21785
Vörwahl: 04752
Geograafsche Laag:
Koordinaten:53° 48′ N, 9° 1′ O
53° 48′ N, 9° 1′ O

Bülsdörp (hoochdüütsch Bülsdorf) is en Oort in de Gemeen Neehuus (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Neehuus mit bi.

Geografie[ännern | Bornkood ännern]

De Naveröörd sünd Kammdiek in’n Noorden, Neehüserdiek in’n Noordoosten, Neehuus in’n Oosten, Intzenbüttel un Bullenwinkel in’n Süden, Diekslipp in’n Süüdwesten, Hollannerhoff un Buckhoff in’n Westen un Belen in’n Noordwesten.

Historie[ännern | Bornkood ännern]

De Oort Bülsdörp kummt as Bulcenthorp in en Oorkunn ut de Tied 1111 bet 1116 toeerst vör.[1] To de Tied hett dat an de ünnere Oost noch keen Karken geven. Bülsdörp hett to de Tied noch to dat Kaspel von de Kark in Loomst tohöört. Eerst 1404 is Neehuus grünnt worrn, to dat Bülsdörp sietdem tohöört. In en Bündnisverdrag twüschen de Kaspels Bülkau, Oppeln, Belen un Bülsdörp un de Kedeners von 1423 kummt Bülsdörp as egen Kaspel vör. Dat dat würklich maal en Kark in Bülsdörp geven hett, dor gifft dat anners keen Nawies för.

Verwaltungsgeschicht[ännern | Bornkood ännern]

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall[ännern | Bornkood ännern]

Johr Inwahners
1793-00-001793[2] 14 Füürsteden
1824-00-001824[3] 14 Füürsteden
1848-00-001848[4] 66 Lüüd. 11 Hüüs
1871-12-011. Dezember 1871[5] 41 Lüüd. 10 Hüüs

Religion[ännern | Bornkood ännern]

Bülsdörp is evangeelsch-luthersch präägt un höört to dat Kaspel von de Emmaus-Kark in Neehuus.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Bülsdörp is över lüttjere Straten in Neehuus verbunnen mit de Bundsstraat 73 un de Landsstraat 144.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 26 Kilometer in’n Westen von Bülsdörp.

De nächste Bahnhoff is so bi fiev Kilometer wied weg in’n Süüdoosten de Bahnhoff Kumbarg an de Nedderelvbahn. Bet 1991 harr noch de Bahnhoff Neehuus apen, de blots dree Kilometer weg weer.

Footnoten[ännern | Bornkood ännern]

  1. Hamburgisches Urkundenbuch. Band 1, Perthes-Besser, 1842, Sied 125
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 42: https://books.google.de/books?id=jN5QAAAAcAAJ&pg=RA1-PA42
  3. C. H. Jansen: Statistisches Handbuch des Königreichs Hannover. 1824, Sied 102: http://books.google.de/books?id=tG0AAAAAcAAJ&pg=RA1-PA102
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 137: http://books.google.de/books?id=eOI-AAAAcAAJ&pg=PA137
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146