Zum Inhalt springen

Böxlund

Vun Wikipedia
Wapen/Flagg Koort

Wapen vun
Böxlund
Laag vun Böxlund in Düütschland
Basisdaten

Kreis Sleswig-Flensborg

Flach:4,4 km²
Inwahners:126
Inwahnerdicht:28,6 Inwahners pro km²
Postleettall:24994
Vörwahl:04605
Geograafsche Laag:
Koordinaten:54° 50′ N, 9° 11′ O54° 50′ N, 9° 11′ O
Grenzen bi OSM:1156033 1156033
Gemeenslötel:01059105
Websteed:http://www.amt-schafflund.de/index.phtml?sNavID=1769.17
Koort
Koort

Böxlund (däänsch Bøgslund) is en Gemeen in de Kreis Sleswig-Flensborg in Sleswig-Holsteen an de Grenz na Däänmark.

Geografie

[ännern | Bornkood ännern]

Geograafsche Laag

[ännern | Bornkood ännern]

Dat Gemeenrebeet vun Böxlund streckt sik in de Noorden vun de Naturruum Sleswigsche Vörgeest (Hööfteenheit Nr. 697) bet an de Born vun de Lecker Au ut.[1][2] An den Süüdrand vun dat Gemeengebiet liggt en Deel vun dat NATURA-2000-Schutzgrebeet FFH-Rebeet Ekenhölter vun de Böxlunner Geest.[3]

Gemeendelen

[ännern | Bornkood ännern]

Dat Gemeenrebeet vun Böxlund besteiht ut dat Dörp Böxlund un het süss keen anner Wahnplätz.[4]

[ännern | Bornkood ännern]

An Böxlund grenzen de däänsch Kommuun Apenraad in de Noorden, Jardelund in de Oosten, Medelby in de Oosten un Weesby in de Westen.[5]

Historie

[ännern | Bornkood ännern]
FFH-Rebeet Ekenhölter vun de Böxlunner Geest

Archäoloogsche Funnen wiest dorop hen, dat in dat Gemeenrebeet al in de Jungsteentiet Minschen leven.

Böxlund stünn 1584 dat eerst Maal in de Oorkunnen. De Oortsnaam leddt sik vun dat däänsch Bøgslund lütt Bökenholt af.

An de Stolzbarg wöör en Warmtiet-Paläobodden funnen, de al vör de Eem-Warmtiet ranwassen weer un dormit mehr as 150.000 Johren oolt is. De Fundsteed is vundaag en Naturdenkmaal. De fossile Podsol warrt as Bewies för en Warmtiet binnen de Saaleiesstiet ansehn.[6]

Wapen

[ännern | Bornkood ännern]

Blasonerung: „Dör en inbagen halve gollen un blaag deelt Spitz. Baven en gröön apen Bookecker un en gröön över Eck stellt Eeg, nerrn en sülvern Ieskristall.“[7]

De apen Bookecker wiest op den Naam vun de Gemeen hen. De Eeg tohoop mit de Klören Gröön un Gold steiht för Buerie in de Gemeen. De Ieskristall wiest op den Stolzbarg mit dat Naturdenkmaal „Paläoböden am Stolzberg“ hen.

Weertschop

[ännern | Bornkood ännern]

De Gemeen is dör de Buerie, besünners de Weidweertschop un der Koornanbu, präägt. Veel Lüüd fohren na Flensborg oder Harrsle up Arbeid.

Literatur

[ännern | Bornkood ännern]
  • Oliver Bruhns: Bäuerlich strukturiert. In: Schleswig-Holstein-Topographie. Band 2: Boren - Ellerau. Flying-Kiwi-Verl. Junge, Flensborg 2002, ISBN 3-926055-68-5, S. 60–62.
[ännern | Bornkood ännern]
Böxlund. Mehr Biller, Videos oder Audiodateien to’t Thema gifft dat bi Wikimedia Commons.

Footnoten

[ännern | Bornkood ännern]
  1. ↑ Liste: Zuordnung der Gemeinden zu den Naturräumen. (PDF) S. 13, afropen an’n 17. Januar 2022.
  2. ↑ Topograafsche Koort in'n Digitalen Atlas Noord. Afropen an’n 17. Januar 2022.
  3. ↑ Teilgebiet Böxlunder Eichenkratt des FFH-Gebietes Eichenwälder der Böxlunder Geest. In: Digitaler Atlas Noord. Landsamt för Vermeten un Geoinformatschoon Sleswig-Holsteen, afropen an’n 28. Januar 2022.
  4. ↑ Wohnplatzverzeichnis Schleswig-Holstein 1987. (PDF) Statistisches Landesamt Schleswig-Holstein, 1992, S. 95, afropen an’n 17. Januar 2022.
  5. ↑ Relation: Böxlund (1156033) bi OpenStreetMap (Version #7). Afropen an’n 17. Januar 2021.
  6. ↑ E. Kopp, P. Woldstedt: Über den Charakter der Wärmezeit zwischen Drenthe- und Warthe-Stadial in Norddeutschland. Eiszeitalter & Gegenwart 16, 1965, S. 37–46 Archivierte Kopie (Memento von dat Original von’n 5. März 2016 in dat Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
  7. ↑ Kommunale Wapenroll Sleswig-Holsteen


Vun „https://nds.wikipedia.org/w/index.php?title=Böxlund&oldid=1074051“