Bösenhörn

Vun Wikipedia
(wiederwiest vun Bösenhörne)
Zur Navigation springen Zur Suche springen
Wapen/Flagg Koort

Wapen vun Bösenhörn

Bösenhörn
Laag vun Bösenhörn in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Kumbarg/Wingst
Inwahners:
Postleettall: 21781, 21789
Vörwahl: 04777, 04778
Geograafsche Laag:
Koordinaten:53° 46′ N, 9° 4′ O
53° 46′ N, 9° 4′ O

Bösenhörn (hoochdüütsch Bösenhörne) is en lütten Oort in de Gemenen Kumbarg un Wingst (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

Bösenhörn liggt op en Geestutlöper in’n Noorden von de Wingst, de in de Masch von de Oost rinreckt.

De Naveröörd sünd Geversdörp mit Braak in’n Noorden, Klint un Freenhoff in’n Noordoosten, Oostercaadwisch un Höden in’n Süüdoosten, Oostermoor un Klotzen in’n Süüdwesten un Kumbarg in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

En Deel von de Hööv von Bösenhörn hett fröher to Voigtding höört, de Rest to Kumbarg. Voigtding un Kumbarg hebbt fröher tohoop de polietsche Gemeen Kumbarg billt. Later is Voigtding as Gemeen egenstännig worrn un is an’n 1. Juni 1970 Deel von de Gemeen Wingst worrn.

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall[ännern | Bornkood ännern]

Kumbarg:

Johr Inwahners
1848-00-001848[1] 23 Lüüd. 5 Hüüs
1871-12-011. Dezember 1871[2] 11 Lüüd. 3 Hüüs

Voigtding:

Johr Inwahners
1848-00-001848[1] 13 Lüüd. 3 Hüüs

Religion[ännern | Bornkood ännern]

Bösenhörn is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Bösenhörn loopt Straten dör Kumbarg na de Bundsstraat 73, de in’n Noordwesten na Neehuus, Oterndörp un Cuxhoben geiht un in’n Süüdoosten över Hemmoor/Basbeek/Warstood un Himmelpoorten na Stood. In’n Süüdoosten geiht en Straat na Voigtding.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 30 Kilometer in’n Noordwesten von Bösenhörn.

De nächste Bahnhoff is so bi een Kilometer wied weg in’n Süüdwesten de Bahnhoff Kumbarg an de Nedderelvbahn.

Footnoten[ännern | Bornkood ännern]

  1. a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146