Aventoft

Wapen/Flagg

Koort

Basisdaten

Bundsland: Sleswig-Holsteen

Kreis: Noordfreesland

Amt: Süüdtönder

Flach:

13,47 km²

Inwahners:

404 (2023-12-3131. Dezember 2023)

30 Inwahners pro km²

2 m över de See

25927

04664

Koordinaten:54° 54′ N, 8° 49′ O54° 54′ N, 8° 49′ O

Grenzen bi OSM:

1418654

Gemeenslötel:

01 0 54 009

Websteed:

www.aventoft.de

Aventoft (hoochdüütsch Aventoft, däänsch Aventoft, noordfreesch Oowentoft (Wiringhiirder)) is en Gemeen mit 404 Inwahners in dat Amt Süüdtönder in’n Kreis Noordfreesland in Sleswig-Holsteen.

Geografie

Navergemenen

De Navergemenen sünd dat däänsch Töndern in’n Noorden, de Oordsdeel Haasbarg vun de Gemeen Humptrup in’n Oosten, Süderlügum in’n Süüdoosten, Niekarken in’n Süden un Rodenäs in’n Westen

Laag

Aventoft liggt in de Noorden vun de Natuurruum Sleswig-Holsteensche Maschen un Noordseeielannen (D21) in dat Achterland vun de Noordseeküst bi de Münn vun de Süderau (däänsch Søderå) in de Wiedau (däänsch Vidå, noordfreesch Widuu (Wiringhiirder)). De Gemeen liggt oosten vun de Ruttebüller See (däänsch Rudbøl Sø). De Noord- un Noordoostgrenz vun de Gemeen is de düütsch–däänsche Grenz.

Öörd

To de Gemeen höört dat Karkkdörp Aventoft un de Wohnplätz Carlsmark, Doettgebüll (däänsch Døtgebøl), Foggebüll (däänsch Foggebøl), Freesmark (däänsch Fresmark), Herlingmark, Ringswarft (däänsch Ringsværre), Teglmark, Vagelhallig (hoochdüütsch Vogelhallig, däänsch Fuglehallig), Fischerhüüs (hoochdüütsch Fischerhäuser, däänsch Fiskerhuse), Hungerborg (hoochdüütsch Hungerburg), Klindt (däänsch Klint, Rosenkranz (däänsch Rosenkrans) un Verlath (däänsch Nyhus).^[1]^[2]^[3]

Historie

Nadem dat en Stormflood de Wiedingharr in dat Middelöller vun dat Fastland afdeelt harr, weer Aventoft een Fischerdörp op en Geesteiland an de Wiedau. As de Goddeskoog 1566 indiekt worrn is, kreeg Aventoft wol en Weg na’t Fastland, bleev man noch johrhunnerden lang vun Water ümgeven, bet dat Land ümto in dat 20. Johrhunnert dröög leggt worrn is.

De Naam vun dat Karkdörp steit in dat 15. Johrhunnerd dat eerste Maal in’n Orkunnen un sett sik uut däänsch -toft för enen Sedelplatz un de Egennaam Aghni tohoop.^[4] De Huusgrupp Klindt steit 1674 dat eerste Maal in’n Oorkunnen. De Naam betekent de Anbarg westen vun de Aventofter Kark (däänsch klint för Anbarg, Anhööchd).^[5] De Naam Verlath stammt vun nedderlandsch Diekboers un geit op verlaten, also döörlaten torügg un beteken de Slüsen an de Süüdrand vun de Ruttebüller See, de dat Land in de Goddeskoog dröög leggt. De Naam kümmt 1707 dat eerste Maal in’n Oorkunnen vöör.

De Kark in Aventoft stammt uut dat 13. Johrhunnerd un het noch en Krüüzretabel mit schnittjert Reliefs un bemaalt Flögels (üm 1510), en Marienretabel uut de glieke Tied un en Margarethenretabel uut dat late 15. Johrhunnerd un en Triumphkrüüz uut de Tied üm 1510. De neoromaansche Torrn is 1910 boot worrn.

Wapen

Dat Wapen wiest unner verkört, vun Sülver un Rood dreeteihnfach langsschinnelt Schildhöövd in Blau en güllen Fisch över dree güllen Pompesels.^[6] Dat rood-witt Schildhöövd steit för en Slagboom. De Pomppesels steit för de Masch un de Fisch för de Aventofter See.

Footnoten

↑ Gerret Liebing Schlaber: Administrative tilhørsforhold mellem Ejderen og Kongeåen indtil 2007, Flensborg 2007, S. 206
↑ Jens Peter Trap: Statistisk-topographisk beskrivelse af hertugdømmet Slesvig, Kjøbenhavn/Kopenhagen 1864, S. 174f.
↑ Generalstaben Videnskabernes Selskab: Kaart over Slesvigs Fastland og Als, Kopenhagen 1857–1858
↑ Wolfgang Laur: Historisches Ortsnamenlexikon von Schleswig-Holstein. 2. Oplaag, Niemünster 1992, S. 134.
↑ Peter Jørgensen: Die Ortsnamen Südschleswigs. Kopenhagen 1979, S. 13
↑ Wappenrolle Schleswig-Holstein. Afropen an’n 10. Mai 2025.

Weblenken

Aventoft. Mehr Biller, Videos oder Audiodateien to’t Thema gifft dat bi Wikimedia Commons.

Websteed vun de Gemeen (hoogdüütsch)

Gemenen un Städer in dat Amt Süüdtöndern

Gemenen un Städer in den Kreis Noordfreesland

[1] Gerret Liebing Schlaber: Administrative tilhørsforhold mellem Ejderen og Kongeåen indtil 2007, Flensborg 2007, S. 206

[2] Jens Peter Trap: Statistisk-topographisk beskrivelse af hertugdømmet Slesvig, Kjøbenhavn/Kopenhagen 1864, S. 174f.

[3] Generalstaben Videnskabernes Selskab: Kaart over Slesvigs Fastland og Als, Kopenhagen 1857–1858

[4] Wolfgang Laur: Historisches Ortsnamenlexikon von Schleswig-Holstein. 2. Oplaag, Niemünster 1992, S. 134.

[5] Peter Jørgensen: Die Ortsnamen Südschleswigs. Kopenhagen 1979, S. 13

[6] Wappenrolle Schleswig-Holstein. Afropen an’n 10. Mai 2025.

[1]

[2]

[3]

[4]

[5]

[6]