Ausacker

Wapen/Flagg

Koort

Basisdaten

Kreis Sleswig-Flensborg

Flach:

9,13 km²

Inwahners:

513

Inwahnerdicht:

56,2 Inwahners pro km²

Postleettall:

24975

Vörwahl:

04633, 04634

Geograafsche Laag:

Koordinaten:54° 44′ N, 9° 35′ O54° 44′ N, 9° 35′ O

Grenzen bi OSM:

1149284

Gemeenslötel:

01059103

Websteed:

http://www.ausacker.de/

Ausacker (däänsch Oksager) is en Gemeen in de Kreis Sleswig-Flensborg in Sleswig-Holsteen.

Geografie

Laag

De Gemeen Ausacker liggt westen vun de Winneratter See in Angeln twischen Sörup un de Stadt Flensborg.^[1]

Oortsdelen

To dat Gemeenrebeet hören Ausackerholt (hoochdüütsch Ausackerholz, däänsch Oksagerskov), Ausacker Westerholt (hoochdüütsch Ausacker Westerholz, däänsch Oksager Vesterskov), Hammerstoft, Hüholt (hoochdüütsch Hüholz, däänsch Hyholt) un Dammenn (Slave Dammende, däänsch Damende).

Historie

Hünengräver un Funnen vun ool Wahnsteden wiest dorop hen, dat in dat Gemeenrebeet al in de Jungsteentiet un Bronztiet Minschen leven.

Ausacker stunn 1441 dat eerst Maal as Uxerager (Vehdrift, wo Ossen hollen warrt) in de Oorkunnen. De Oort höörde to de Huusbyharr un to dat Kaspel Huusby.

An’t Enn vun de Tweed Weltkrieg in Mai 1945 höllen sik Heinrich Himmler un sien Treck en kort Tiet in Hüholt up (Lagg). Himmler weer över de Rattenlien Noord na dat Flensborger Ümland kamen, sik an de leste Rieksregeren in Flensborg-Mörwig to bedeligen. De Flensborger Regeren in’n Sünnerrebeet Mörwig gung up Himmler sien Anbott sik an de Regeren to bedeligen nich in. Dorüm flüchte he wieder na Süden to in dat neddersassische Rebeet, woneem em brietsche Soldaten fangennahmen. Kört dorna, an de 23. Mai 1945, het he sik in Lümborg dat Leven nahmen.^[2]

De Gemeen in ehr Form vundaag is 1970 grünnt worrn, as sik de sülvstännigen Gemenen Ausacker un Ausackerholt vereent hebben.

Wapen

Blasoneren: „Dör en sülvern Wellenbalken vun Blaag un Root schreeg na luchts hen deelt. Baven en gollen Ossenkopp vun vörn, nerrn twee apen sülvern Bookeckern.“^[3]

De Ossenkopp in dat Wapen vun de Gemeen Ausacker speelt op den Oortsnaam an. He schall dat Bild vun en „Feld, op dat Ossen weidt“, vermiddeln. De Wellenbalken steiht för de Kielstau, de een vun de twee Strööm, de de Born vun de Treen is, un dör dat Gemeen flütt. De twee Bookeckern wiest op de Resten vun de ehmaals groten Bökenhölter in de Gemeen hen.

De Klören vun dat Wapen richt sik na de geograafsche Lagg vun de Gemeen. Dat blage Feld mit de gollen Figur steiht för de Tohörigkeit to de Kreis Sleswig-Flensborg. Dat rood Feld mit de sülvern Figuren schall an de fröhere Tohörigkeit to de Huusbyharr denken maken.

War dat to bekieken gifft

In de Gemeeen liggt Rester vun de Toornhögelborg Böge-Schloss.^[4]

Lüüd ut Ausacker

Lars Hansen (1788–1876), Lehrer un Botaniker,
Peter Jensen (1856–1941), Buer un Gemeenvörsteiher,
Theodor Vierck (1910–1998), Paster un Baas vun de Heimvolkshochschule auf dem Koppelsberg.

Weblenken

Ausacker. Mehr Biller, Videos oder Audiodateien to’t Thema gifft dat bi Wikimedia Commons.

Websteed vun de Gemeen Ausacker

Nawiesen

↑ Relation: Ausacker (1149284) bi OpenStreetMap (Version #10). Afropen an’n 20. Januar 2025.
↑ sh:z Zivilkleidung, Augenklappe, neuer Name: Doch für Himmler gab es kein Entrinnen, vun de 13. Mai 2015; upropen an de 10. Mai 2017
↑ Kommunale Wappenroll Sleswig-Holsteen
↑ Hans Nicolai Andreas Jensen: Versuch einer kirchlichen Statistik über das Herzogthum Schleswig, Band 3, Siet 957

Gemenen un Städer in den Kreis Sleswig-Flensborg

[OSM-1] Relation: Ausacker (1149284) bi OpenStreetMap (Version #10). Afropen an’n 20. Januar 2025.

[2] sh:z Zivilkleidung, Augenklappe, neuer Name: Doch für Himmler gab es kein Entrinnen, vun de 13. Mai 2015; upropen an de 10. Mai 2017

[3] Kommunale Wappenroll Sleswig-Holsteen

[4] Hans Nicolai Andreas Jensen: Versuch einer kirchlichen Statistik über das Herzogthum Schleswig, Band 3, Siet 957

[1]

[2]

[3]

[4]