August Schukat
August Schukat (* 14. Oktober 1891 op den Vörwark Schwiegupönen, Kreis Stallupönen; † 22. Juli 1977 in Monheim am Rhein) weer een plattdüütschen Schriever uut Oostpreußen, de op Nedderpreußsch schreev.
Leven
[ännern | Bornkood ännern]Schukat besöch de Volksschool un maak ene Lehr as Lüttsmedd. Wegen siene Gesundheid is he avers later Schoolmeester worrn.He ünnerricht bet Dezember 1944 as Rekter vun de Middelschool in Fischhusen in’n Samland. Na de Flucht uut Oostpreußen wurr he Schoolmeester in’n neddersassischen Aimbeck. Bet to siene Penschoon weer he Rekter vun de Volksschool in Boffzen. Vun 1958 an lev he in Monheim am Rhein.[1]
1936 keem sien eersten Sammelband mit plattdüütschen Geschichten in noordoostpreußsch Platt ruut, den Walther Ziesemer för sienen fiensinnig Stil lofft het.[2][3] Anner Geschichtensammelbänn folgen: Noa Fieroawend (1938), Oma Seidel (1959) un Oppe Bank varre Där (1972). Schukat bröch ook twee Schallplaten ruut. Bi Drepen vun de Landsmannschop Oostpreußen (z. B. in’n Saalbau Essen) dreeg he uut sienen Böker vör.
Kiek ook bi
[ännern | Bornkood ännern]Weblenken
[ännern | Bornkood ännern]- August Schukat in de Datenbank Die niederdeutsche Literatur (hoogdüütsch)
Footnoten
[ännern | Bornkood ännern]- ↑ August Schukat erzählt plattdeutsche Geschichten aus Ostpreussen. Leer 1968, S. 17.
- ↑ ene 2. Oplaag keem noch in dat glieke Jaar as de 1. Oplaag ruut.
- ↑ Jahrbuch des Vereins für niederdeutsche Sprachforschung, Jahrgang 1948/1950, S. 156