August Lübben
2.jpg)
Heinrich August Lübben (* 21. Januar 1818 in Hooksiel; † 15. März 1884 in Ollnborg) weer en dütschen Germanist, Bibliothekaar un Persepter. He befaat sik veel mit de Nedderdüütsche Philologie un is bekannt för dat Mittelniederdeutsch Wörterbuch.
Leven
[ännern | Bornkood ännern]August Lübben weer Söhn von enen Schoolmeister. Hei kreeg eerst Huusünnerricht von sienen Vadder un besöch denn von 1831 an ene private Latienschool. 1882 bet 1838 gung he op dat Mariengymnasium in Jever. In dat Summersemester 1838 begünn he an de Universität Jena Philologie un Theologie to studeren. Hier weer he in de Burgkellerburschenschop In’n Sommer 1839 wessel he an de Universität Leipzig un weer von dat Summersemester 1840 an op de Universität Berlin. 1841 kreeg he in Jena mit de Dissertatschoon De imaginationis ratione apud Aristotelem siene Promotschoon to’n Dr. phil. Dorna keem he in siene Heimaad torügg.
1843 wurr he Persepter för Latiensch un Ooldgreeksch an’n Mariengymnasium Jever. 1844 maak he dat theoloogsche Examen un folg enen Roop an dat Ollnborger Gymnasium. Dor ünterricht he Latien, Ooldgreeksch, Hebrääsch, Religioon un Düütsch. 1866 schull he den Perfessertitel kriegen. He het den Titel man uutslaan, denn he weer nich mit Tostänn in sienen Deenst tofreden. To’n 1. April 1875 wurr he von’n Schooldienst för dree Jaren Tied freestellt, dat he an dat Mittelniederdeutsche Wörterbuch arbeiden kunn. As Theodor Merzdorf in’n März 1877 doodbleev, bereep de Apentliche Bibliotheek to Ollnborg em to’n Direkter. 1874/1875 weer he de eerste Vöörsitter vun de Vereins für niederdeutsche Sprachforschung.
Lübben weer von 1858 an Redakteur för de Tiedschrift Der Praktische Schulmann un geev mit enen Prediger Arens üm 1848 de Tiedschrift Demokrat ruut.
Schriften
[ännern | Bornkood ännern]- De imaginationis ratione apud Aristotelem. Berlin 1842.
- Das Plattdeutsche in seiner jetzigen Stellung zum Hochdeutschen. Schulze, Ollnborg 1846, Digitalisat.
- Wörterbuch zu der Nibelunge Not (Liet). Stalling, Ollnborg1854, Digitalisat; 2. Oplaag, 1865, Digitalisat; 3. Oplaag, 1877, Digitalisat.
- Reinke de Vos nach der ältesten Ausgabe (Lübeck 1498). Stalling, Ollnborg 1867, Digitalisat.
- Mittelniederdeutsche Gedichte aus Handschriften. Stalling, Ollnborg 1868, Digitalisat.
- Zeno oder die Legende von den Heiligen Drei Königen. Kühtmann, Bremen 1869, Digitalisat; 2. Ausgabe, 1876, Digitalisat.
- mit Karl Schiller: Mittelniederdeutsches Wörterbuch. 6 Bände, Kühtmann, Bremen 1875–1881. Band 2, Band 3, Band 6.
- Mittelniederdeutsche Grammatik: nebst Chrestomathie und Glossar. Weigel, Leipzig 1882, Digitalisat.
- Mittelniederdeutsches Handwörterbuch. Nach dem Tode des Verfasser vollendet von Christoph Walther. Soltau/Nörden/Leipzig 1888, Digitalisat
Literatuur
[ännern | Bornkood ännern]- Karl Strackerjan: Heinrich August Lübben. Gedächtnisrede. Diedr. Soltau, Norden 1884, Digitalisat.
- Vörlaag:ADB
- Lübben, Heinrich August. In: Meyers Großes Konversations-Lexikon. Band 12. Leipzig 1908, S. 755 (online).
- Christoph König (Ruutgever), unter Mitarbeit von Birgit Wägenbaur u. a.: Internationales Germanistenlexikon 1800–1950. Band 2: H–Q. de Gruyter, Berlin/New York 2003, ISBN 3-11-015485-4, S. 1121 f.
- Vörlaag:DeutBiogrEnz