August Christian Theodor Meier
August Christian Theodor Meier (* 1786[1] in Bruunswiek; † 1860[1] in Hamborg) weer en hambörgschen Senater.
Meier is 1786 as Söhn von Luise Christiane Karoline, borene Berkhan (15. Mai 1757–18. November 1846), un den Pastoor Johann Heinrich Ludwig Meier (10. Oktober 1747–30. Juli 1824) in Bruunswiek boren. He hett an de Universität Helmstidde Juristeree studeert un sien Dr. jur. maakt.[2] Na dat Studium weer he Avkaat in Bruunswiek.[2] 1809 schull he as Soldaat von dat Königriek Westfalen in’n Kriegsdeenst intagen warrn, is denn aver to sien Broder Ludwig na Hamborg flücht.[2] 1813/1814 is he as Freewilligen Soldaat in’n Befreeungskrieg ween.[2] Meier hett freet un bi sien Broder an’n Hollandschen Brook leevt.[2] He weer von’n 23. Mai 1834 bet 17. Juni 1840 Amtmann von dat Amt Ritzbüttel un is 1840 denn hambörgschen Senater worrn.
Meier hett 1819 Elisabeth Klünder freet.[1] De beiden harrn de Kinner Benedikte, Otto, Julius, Susanne, Antonie (1834–1918), Franzisca un Camilla (* 6. September 1838).[2] Siene Dochter Franzisca hett 1861 Bernhard Hugo Lentz freet.