Aßlersand

Vun Wikipedia
(wiederwiest vun Asselersand)
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Aßlersand (Naturschuulrebeed).

Wapen/Flagg Koort

Wapen vun Aßlersand

Aßlersand
Laag vun Aßlersand in Düütschland
Basisdaten
Bundsland: Neddersassen
Landkreis: Stood
Gemeen: Drochters
Inwahners:
Postleettall: 21706
Vörwahl: 04148
Geograafsche Laag:
Koordinaten:53° 42′ N, 9° 27′ O
53° 42′ N, 9° 27′ O

Luftbild von Aßlersand von Westen keken (2012)

Aßlersand (hoochdüütsch Asselersand) is en Rebeed in de Gemeen Drochters in’n Landkreis Stood, Neddersassen, dat fröher en Insel in de Elv weer. Dat kumplette Rebeed von den Sand is vondaag as Naturschuulrebeed Aßlersand schuult.

Geografie[ännern | Bornkood ännern]

Aßlersand liggt as Sand twüschen den Ruthenstroom in’n Westen, de Barnkroger Süderelv in’n Süden un den Hauptarm von de Elv mit Swarttünnensand in’n Noordoosten. Dör den Ruthenstroom aftrennt doot in’n Noordwesten Gauensiekersand un Kruutsand liggen. Dat Rebeed tellt to Keden.

En richtig Eiland is Aßlersand vondaag aver nich mehr. De Kedener Hauptdiek, de na de Stormflood 1962 nee boot worrn is, dörsniddt de Barnkroger Süderelv un löppt merrn över den Aßlersand. De Ruthenstroom is dör dat Ruthenstroom-Sparrwark schuult. Dormit is de Westdeel von Aßlersand bi Stormflood kumplett vör dat Water ut de Elv schuult. De Oosten liggt jümmer noch butendieks.

De Naveröörd sünd Abbenfleet un Barnkroog in’n Süüdoosten, Weth un Aßel in’n Süden, Ritsch in’n Süüdwesten, Gauensiek un Drochters in’n Westen un Gauensiekersand un Kruutsand in’n Noordwesten. Op dat annere Över von de Elv in Sleswig-Holsteen doot Bielenbarg un Essfleth in’n Noorden, Kollmar in’n Noordoosten un Seestermüh in’n Oosten liggen.

Historie[ännern | Bornkood ännern]

Bevör na de Stormflood 1962 de Hauptdiek an de Elv un de Sparrwarken boot worrn sünd, hett dat keen Dieken geven, de Aßlersand schuult hebbt. Dat geev dor blots en Handvull enkelte Hüüs, de op Worten boot weren.

In de Johren 1970 weer för en Tied plaant, de Industrierebeden, de op Bützfletersand anleggt worrn sünd, ok op Aßlersand un Gauensiekersand uttodehnen. Dor is aver nix von worrn.

Verwaltungsgeschicht[ännern | Bornkood ännern]

De Oort hett vör 1859 to dat Amt Wischhoben tohöört un denn von 1859 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.

In dat 19. Johrhunnert weer Aßlersand noch en egenstännige Buurschop, is later denn aver Deel von de Gemeen Drochters worrn. De Oort is an’n 1. Juli 1972 mit de Gemeenreform in Neddersassen Deel von de ne’e un noch gröttere Gemeen Drochters worrn.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1824-00-001824[2] 3 Füürsteden
1848-00-001848[3] 52 Lüüd. 5 Hüüs
1871-12-011. Dezember 1871[4] 48 Lüüd. 5 Hüüs

Religion[ännern | Bornkood ännern]

Aßlersand is evangeelsch-luthersch präägt un höört to dat Kaspel von de Kark in Aßel.

För de Kathoolschen is de Hillig-Geist-Kark in Stood tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Aßlersand löppt en lüttjere Straat na Aßel an de Landsstraat 111, de in’n Noordwesten na Drochters un Wischhoben geiht, dor mit de Bundsstraat 495 verbunnen is un denn na Freeborg föhrt. In’n Süüdwesten löppt de L 111 na Bützfleet un Stood.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 16 Kilometer in’n Süüdoosten von Aßlersand an de L 111.

De nächsten Bahnhööv sünd so bi 14 bet 15 Kilometer wied weg in’n Süden/Süüdwesten de Bahnhööv Stood, Hammah un Himmelpoorten an de Nedderelvbahn von Cuxhoben na Hamborg.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 6
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 28
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 140
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136