Arthur William Roches

Arthur William „Turo“ Roches oder ok Arturo Roches is en Politiker ut Belize (UDP).

Roches weer as Vertreder von de Oppositschoon Senater in’n Senaat von Belize. In’n Oktober 2006 hett he sien Amt as Senater aver afgeven, so dat he bi de Parlamentswahl as Kannedaat antreden kann.

Bi de Parlamentswahl in Belize 2008 weer he Kannedaat för de UDP in’n Wahlkreis Dangriga un hett de Wahl mit 56,60 % von de Stimmen gegen Cassian Nunez von de PUP wunnen.

Bi de Wahl 2012 weer he ok wedder Kannedaat för de UDP in’n sülven Wahlkreis, kunn sik mit 44,38 % von de Stimmen aver nich gegen Ivan Ramos von de PUP dörsetten.

Dormit weer he von 2008 bet 2012 Afornten in dat Repräsentantenhuus von Belize. He weer ünner Premierminister Dean Barrow von’n 12. Februar 2008 bet 9. März 2012 Staatsminister in dat Ministerium för Gesundheit.