Arthur Dunkelblum

Arthur Dunkelblum (* 23. April 1906 in Podgórze (Krakau); † 27. Januar 1979 in Antwarp) weer en belgisch Schachspeler vun poolsch Afstammen.

Arthur Dunkelblum wurr in Podgórze (Krakau) boren, wat dormals to Öösterriek-Ungarn hörrn dee. Vör Belgien hett he an 11 Schacholympiaden deelnommen: 1928, 1933, 1937, 1950, 1954, 1956, 1958, 1960, 1962, 1966, un 1968. De Tietspann vun 40 Johren is för Schachspeler mit an’n längsten.^[1]

Bi de belgisch Meesterschapen 1922 in Antwarp keem he up den darten Platz, achter Edgard Colle won). Bi dat Internatschonale Turnier vun Antwarp 1930 keem he achter Salo Flohr up den 2. Platz aber noch vör Sándor Takács, George Koltanowski keem dorbi up den 6. un letzten Platz.

1949 wurr he belgisch Meester. 1950 keem he in Gijon up den 2. Platz achter Nicolas Rossolimo. 1957 kreeg Dunkelblum vun de FIDE den Titel Internatschonaler Meester tospraaken.