Armin von Lossow

Vun Wikipedia
Zur Navigation springen Zur Suche springen

Balthasar Friedrich Ludwig Armin von Lossow (* 11. Mai 1876 in Bremen; † 28. März 1945 in Berlin-Nikolassee) weer en düütschen Verwaltungsbeamten.

Von Lossow is 1876 in Bremen boren. He is 1912 as Nafolger von Hermann Wilhelm Adolf Adalbert von Jagow kommissarsch Landraad von’n Kreis Oosterborg worrn. 1913 hett he dat Amt kumplett övernahmen un is dat bet 1920 bleven. Em aflööst hett Konrad Zorn.

Von Lossow is in’n Dezember 1920 as Nafolger von Heinrich von Müller kommissarsch Landraad von’n Kreis Rodenborg worrn. 1921 hett he dat Amt kumplett övernahmen un is dat bet Oktober 1939 bleven. Sien Nafolger weer Ernst Drewes. He is 1937 Maat von de NSDAP worrn.

He weer verheiraadt mit Friederike Viktoria Mathilde, Freiin von Lyncker (* 5. Juni 1885). De beiden harrn twee Kinner, Joachim Maximilian Gustav von Lossow (* 4. September 1919) un Brigitte Charlotte Luise Irmgard Helene von Lossow (* 4. März 1921).