Arlewatt

Wapen/Flagg

Koort

Basisdaten

Bundsland: Sleswig-Holsteen

Kreis: Noordfreesland

Amt: Noordsee-Treen

Flach:

5,57 km²

Inwahners:

347 (2023-12-3131. Dezember 2023)

Inwahnerdicht:

62,3 Inwahners pro km²

11 m över de See

25860

04846

Koordinaten:54° 32′ N, 9° 5′ O54° 32′ N, 9° 5′ O

Grenzen bi OSM:

1405506

Gemeenslötel:

01 0 54 007

Öörd in de Gemeen:

Arlewatt, Arlewatthoff, Arlewattfeld, Arlewatt-Heid

Arlewatt (hoochdüütsch Arlewatt, däänsch Arlevad, noordfreesch Alwat) is en Gemeen mit 347 Inwahners in dat Amt Noordsee-Treen in’n Kreis Noordfreesland in Sleswig-Holsteen.

Geografie

Navergemenen

De Navergemenen sünd Ahrenshööft in’n Noorden, Ollerup in’n Oosten, Horsteed in’n Süüdwesten un Hattstedermasch in’n Westen.

Laag

Arlewatt liggt an de Övergang vun de Natuurruum Breedsteed-Husumer Geest na Noordfreesche Masch an dat süüdlich Över vun de Arlau noorden vun Husum. De Stroom is de Noordgrenz vun de Gemeen.^[1]

Öörd

To de Gemeen höört dat Dörp Arlewatt, de Hoff Arlewatthoff un de Wohnplätz Arlewattfeld un Arlewatt-Heid.^[2]^[3]

Historie

Arelwatt stünn 1466 dat eerste Maal in’n Oorkunnen. De Naam bedüdt „Fort an de Arlau“.^[4]

De ole Borg Arlewatt is in de tweden Halv vun dat 16. Johrhunnerd opricht worrn. 1626 het de Hartogin Augusta dat Good köfft un umboot. De Borg kreeg so in de Volksmund de Naam „Rode Huus“ oder „Grieshuus“. Dat Good weer dat Vöörbild för Theodor Storm sien Novell Chronik von Grieshus. Vundaag steiht alleen noch de 1735 opricht Haubarg.

In dat Hartogdom Sleswig weer Arlewatt een Deel vun dat Kaspel Ollerup (däänsch Oldrup Sogn) binnen de Südergoesharr. Den 22. September 1867 het Preußen in de Provinz Sleswig-Holsteen de Landgemenen inricht. In dat Rebeed, wat vundaag de Kreis Noordfreesland is, het Preußen de olen Kaspellen as Kaspelllandsgemenen övernamen. Arlewatt weer Deel vun de Kaspellandsgemeen Ollerup, de op den 1. April 1934 oplööst worrn is. Alle Dörpschoppen, Dörpgemenen un Buurschoppen sünd egenstännig worrn, so ook Arlewatt.^[5]

Wapen

Dat Wapen wiest över blauen Wellenschildfoot in Gold en roden Haubarg, begleit baven rechts vun en roden Ploog un baven links von en licht schraat stellt Lee.^[6]

Footnoten

↑ Relation: ‪Arlewatt‬ (‪1405506‬). 19. Februar 2019, afropen an’n 10. Mai 2025 (engelsch).
↑ Wohnplatzverzeichnis Schleswig-Holstein 1987. (PDF) Statistsch Landsamt Sleswig-Holsteen, 1992, S.nbsp;33, opropen den 8. September 2021.
↑ Aasbüttel - Bordesholm. In: Wolfgang Henze (Hrsg.): Schleswig-Holstein-Topographie: Städte und Dörfer des Landes. Band 1. Flying-Kiwi-Verl. Junge, Flensburg 2001, ISBN 3-926055-58-8, S. 101.
↑ Wolfgang Laur: Historisches Ortsnamenlexikon von Schleswig-Holstein, 2. Auflage, Neumünster 1992, S. 130
↑ Statistsch Landsamt Sleswig-Holsten (Ruutgever): Die Bevölkerung der Gemeinden in Schleswig-Holstein 1867–1970. Statistisches Landesamt Schleswig-Holstein, Kiel 1972, S. 251.
↑ Wappenrolle Schleswig-Holstein. Afropen an’n 10. Mai 2025.

Weblenken

Arlewatt. Mehr Biller, Videos oder Audiodateien to’t Thema gifft dat bi Wikimedia Commons.

Websteed vun de Gemeen (hoogdüütsch)

Gemenen un Städer in den Kreis Noordfreesland

[1] Relation: ‪Arlewatt‬ (‪1405506‬). 19. Februar 2019, afropen an’n 10. Mai 2025 (engelsch).

[2] Wohnplatzverzeichnis Schleswig-Holstein 1987. (PDF) Statistsch Landsamt Sleswig-Holsteen, 1992, S.nbsp;33, opropen den 8. September 2021.

[3] Aasbüttel - Bordesholm. In: Wolfgang Henze (Hrsg.): Schleswig-Holstein-Topographie: Städte und Dörfer des Landes. Band 1. Flying-Kiwi-Verl. Junge, Flensburg 2001, ISBN 3-926055-58-8, S. 101.

[4] Wolfgang Laur: Historisches Ortsnamenlexikon von Schleswig-Holstein, 2. Auflage, Neumünster 1992, S. 130

[5] Statistsch Landsamt Sleswig-Holsten (Ruutgever): Die Bevölkerung der Gemeinden in Schleswig-Holstein 1867–1970. Statistisches Landesamt Schleswig-Holstein, Kiel 1972, S. 251.

[6] Wappenrolle Schleswig-Holstein. Afropen an’n 10. Mai 2025.

[1]

[2]

[3]

[4]

[5]

[6]