Archipel

Vun Wikipedia

En Archipel (lat.: archipelagus, eerst later in de italiensche Form arc(h)ipelago) betekent en Seerebeet, dat riek an Eilannen is. Vundaag warrt de Begreep gliekbedüden ok för Inselgrupp bruukt, also för en Ansammeln vun Eilannen, de teemlich dicht bienanner leegt.

Torüchtoföhren is dat Woort Archipel op de greekschen Begrepen αρχι archi „Hööft“ un πέλαγος pelagos „de See“ un weer anfangs alleen op dat Rebeet vun de Ägäis mit sien velen Eilannen betogen. Eerst siet Anfang vun’t 13. Johrhunnert is de Begreep ok för Seerebeden mit gröttere Ansammeln vun Eilannen ok buten vun de Ägäis bruukt worrn.

In’n Ünnerscheed to en Inselgrupp warrt mit den Archipel, tomindst in’n engeren Sinn, nich blots de Eilannen tohopenfaat, man ok dat Seerebeet, dat twüschen de Eilannen liggen deit. Dat Woort is vundaag ’n beten ut de Mood un warrt nich mehr faken bruukt, betekent aver jümmer noch dat glieke.