Anna Böger

Anna Böger (* 1. Januar 1977 in München, Bayern^[1]) is en düütsch Schauspelerin.

Leven un Karriere[ännern | Bornkood ännern]

Anna Böger wurr 1977 in München boren. Hör Schauspeelutbillen kreeg se tüschen 1999 un 2001 an dat Max Reinhardt Seminar Wien. 2001 harr se en Engagement an dat Schauspeelhuus Zürich. Wiedere Statschonen vun hör Bühnentätigkeit weern dat Berliner Ensemble, de Münchner Kamerspelen, siet 2008 dat Theater Freiburg un 2011 dat Schauspiel Köln.

Hör Filmdebüt geev Anna Böger in den 2006 rutbrochten Speelfilm Shoppen. Se hett buterdem in Nebenrullen vun Feernsehproduktschonen as SOKO Stuttgart mitwarkt. En dragen Rull speel se 2009 in den Film Salami Aleikum.

De 1,87 m groot Anna Böger snackt neben Düütsch noch Engelsch un Franzöösch un leevt in Frankfort an’n Main. In hör Freetiet bedrifft se Rieden, Klautern un Flamenco-Danz.

Filmografie (Utwahl)[ännern | Bornkood ännern]

Johr	Titel
2006	Helen, Ted und Fred, Feernsehn
2006	Shoppen
2007	Rumpelstilzchen, Feernsehn
2008	Morgen räum ich auf, Feernsehn
2009	Ob ihr wollt oder nicht!
2009	Schutzlos, Feernsehn
2009	Salami Aleikum
2011	Tiere bis unters Dach, Feernsehfolgen
2012	Lösegeld, Feernsehn
2013	Leben!, Kortfilm
2013	Parkplatzliebe, Kortfilm
2014	Ohne Dich
2015	Der Liebling des Himmels, Feernsehn
2018	Grüner wird’s nicht, sagte der Gärtner und flog davon
2015–19	Meuchelbeck, Feernsehreeg