Amsterdamsmunt

Vun Wikipedia
Zur Navigation springen Zur Suche springen
Amsterdamsmunt;

Amsterdamaant(e)

Noch keen Bild vörhannen, fre’e Biller köönt vun jedereen bi Commons hoochladen warrn
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Echte Aanten (Anatinae)
Tribus: Swemmaanten
Geslecht: Aanten an sik
Oort: Amsterdamsmunt
Wetenschoplich Naam
Anas marecula
Olson & Jouventin, 1996

De Amsterdamsmunt oder Amsterdamaante (Anas marecula) is en Aantenvagel, de al utstorven is. He warrt to de Swemmaanten torekent, un dor nu wedder to de Aanten an sik. So, as dat bitherto rutfunnen wurrn is, hett he up dat Eiland Amsterdam in den Indischen Ozeaan, süüdööstlich vun Afrika, leevt. Unner Umstänn weer he avers ok up de Naberinsel Saint Paul tohuse. Dat gifft dor Henwiese up, datt düsse Aante eerst in de Nutied utstorven is.

Wo se vorkamen dö[ännern | Bornkood ännern]

Up de Insel Amsterdam un ok up de Insel Saint Paul leevt hüdigendags bloß man Kerguelen-Pielsteerte. Man de sünd dor vun Minschen henbrocht un utsett wurrn.[1]

Geschicht[ännern | Bornkood ännern]

Wetenschopplich is de Amsterdamsmunt eerst in dat Johr 1996 to'n eersten Mol beschreven wurrn. Dormols sünd Knaken unnersocht wurrn, de gellt man hööchstens for en poor Hunnert Johre oold.[2] Vunwegen de Knaken warrt annahmen, de Smunt harr nich flegen konnt. Butendem hett de Entdecker John Barrow an'n 2. Februar 1793 schreven, he harr up dat Eiland vun Saint Paul lüttje brune Aanten sehn, de weern nich veel grötter ween, as en Drossel. He meen, vun düsse Aanten nehrden sik dunntomolen an'n leevsten fiev Saalhundjägers, de up de Insel leven döen.[3][4] Wenn dat wohr is, datt sik dat bi düsse Aanten um den Amsterdamsmunt hannelt hett, denn so is de Amsterdamsmunt eerst in de Nutied utstorven. Man dat is ok mööglich, datt sik dat bi düsse Aanten, de up Saint Paul vun Saalhundjägers vertehrt wurrn sünd, um en annere Aart vun Aanten hanneln dö, de midderwielen ok al utstorven is.[5]

Belege[ännern | Bornkood ännern]

  1. Janet Kear (Rutg): Ducks, Geese and Swans. Oxford University Press, 2005, ISBN 0198546459, S. 599 und S. 600
  2. Birdlife International
  3. Bourne, W., David, A., & Jouanin, C. (1983)
  4. Olson, S. & Jouventin, P. (1996)
  5. Errol Fuller: Extinct Birds. Oxford University Press 2000, ISBN 0-8160-1833-2, S. 84

Literatur[ännern | Bornkood ännern]

  • Bourne, W.R.P., A.C.F. David, and C. Jouanin. 1983. Probablee Garnaney on St Paul and Amsterdam Islands, Indian Ocean. Wildfowl 34:127-129

Janet Kear (Rutg): Ducks, Geese and Swans. Oxford University Press, 2005, ISBN 0198546459,

  • Olson, S.L. & Jouventin, P. 1996. A new species of small flightless duck from Amsterdam Island, southern Indian Ocean (Anatidae: Anas). Condor 98: 1–9. PDF Volltext

Kiek ok bi[ännern | Bornkood ännern]