Alpershusen

Vun Wikipedia
(wiederwiest vun Alpershausen)
Zur Navigation springen Zur Suche springen
Wapen/Flagg Koort
hett keen Wapen
Alpershusen
Laag vun Alpershusen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zittens
Gemeen: Homersen
Inwahners:
Postleettall: 27419
Vörwahl: 04282
Geograafsche Laag:
Koordinaten:53° 15′ N, 9° 26′ O
53° 15′ N, 9° 26′ O

Alpershusen (hoochdüütsch Alpershausen) is en lütten Oort in de Gemeen Homersen (Samtgemeen Zittens) in’n Landkreis Rodenborg, Neddersassen. De Oort höört polietsch al von öllers bi Homersen mit bi.

Geografie[ännern | Bornkood ännern]

Alpershusen liggt an’n Alpershusener Möhlenbeek kort vör de Münn in de Oost. Von links münnt de Siebeek in’n Möhlenbeek. Na Süüdwesten to liggt dat Hatzer un Sooteler Moor.

De Naveröörd sünd Groot Meckels in’n Noorden, Kön’hoff in’n Noordoosten, Homersen in’n Oosten, Hanschhorst un Helsch in’n Süüdoosten, Sootel in’n Süden, Hatz, Ehsdörp un Poitzendörp in’n Westen un Rüspel, Nindörp un Volkens in’n Noordwesten.

Historie[ännern | Bornkood ännern]

De Naam von’n Oort kummt von’n Vörnaam Albert, bedüüdt also Albert sien Huus, Albert sien Wahnsteed. In Alpershusen leeg fröher en Watermöhl, de üm 1915 rüm afreten worrn is.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Inwahnertall[ännern | Bornkood ännern]

Johr Inwahners
1793-00-001793[1] 1 Füürsteed
1824-00-001824[2] 1 Füürsteed
1848-00-001848[3] 13 Lüüd. 3 Hüüs
1871-12-011. Dezember 1871[4] 6 Lüüd. 1 Huus

Religion[ännern | Bornkood ännern]

Alpershusen is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Alpershusen löppt de Kreisstraat 142, de in’n Westen in Elsdörp an de K 126 un de Landsstraat 131 ran geiht un in’n Oosten na Homersen an de L 130. De L 131 geiht wieder na Zeven un Scheeßl un de L 130 na Zittens.

De nächste Autobahn is de Autobahn 1 (Afsnidd HamborgBremen). De Autobahn löppt blots 200 Meter wied weg an Alpershausen langs, aver dat gifft keen Opfohrt in direkte Neegd von’n Oort. De Opfohrt 47 Zittens liggt so söven Kilometer in’n Noordoosten von Alpershusen un de Opfohrt 48 Elsdörp so acht Kilometer in’n Süüdwesten.

De nächsten Bahnhööv sünd so bi 14 Kilometer wied weg in’n Süüdoosten de Bahnhoff Scheeßl un de Bahnhoff Lauenbrüch an de Bahnlien Hamborg–Bremen. Fröher hett dat in de Neegd ok Bahnhööv an de Bahnlien Bremervöör–Wasra un an de Bahnlien Wilst–Töst geven. Dat weren de Bahnhoff Elsdörp acht Kilometer in’n Westen (Bremervöör–Wasra) un de Bahnhoff Zittens söss Kilometer in’n Noordoosten (Wilst–Töst). In Elsdörp hett dat Personenverkehr von 1906 bet 1968 geven un in Zittens von 1917 bet 1971.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 6: https://books.google.de/books?id=jN5QAAAAcAAJ&pg=RA1-PA6
  2. C. H. Jansen: Statistisches Handbuch des Königreichs Hannover. 1824, Sied 12: http://books.google.de/books?id=tG0AAAAAcAAJ&pg=RA1-PA12
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170