Allgemeiner Plattdeutscher Verband
De Allgemeine Plattdeutsche Verband (e.V.) weer een Vereen, de 1885 in Berlin grünnt worrn is. He verstünn sik as enen Dackverband vun allen plattdüütschen Verbünn in Düütschland.
De Vereen wull de plattdüütsche Spraak un Literatuur plegen un as Volks- un Literatuurspraak föddern. Bavento schull de Verband alle plattdüütschen Verenen ünner ene gemeensame Struktuur verenigen un nieg plattdüütsche Verenen anrögen. Darto schull de Verband de Fritz-Reuter-Stiftung, de Priesen för de besten plattdüütschen Schriften uutgeven schull, verwalten. Priesrichter weren üm 1910 Wilhelm Seelmann, Johannes Trojan, Adolf Brandt, Richard Dohse un Karl Seelmann.
De Verband geev de Tiedschrift De Eekbom, een „Johrbok“ un anner Böker un Tiedschriften ruut
Literatuur
[ännern | Bornkood ännern]- Rudolf Eckart: Handbuch zur Geschichte der niederdeutschen Literatur. Bremen 1911, S. 193–199
Weblenken
[ännern | Bornkood ännern]- Allgemeiner Plattdeutscher Verband in plattmakers black