Alexander I. (Bischop vun Rom)

Alexander up en Fresko in Santa Maria Antiqua ut dat 8. Johrhunnert

Alexander in de Porta Pia (1864)

Alexander I. (* in Rom; † 3. Mai 115 in Rom) weer en antiker Leiter in de christlich Gemeend vun Rom un wurrd as Nahfolger vun Evaristus un Vörgänger vun Sixtus traditschonell as de sösst Bischop vun Rom (Paapst) ansehn.

Leven

Den Karkenvader Eusebius tofolge hett Alexander in dat 12. Regeerensjohr vun Trajan, also in dat Johr 109/110, dat Bischopsamt övernommen. Nah en teihnjohrig Amtstiet is Alexander in dat dart Regeerensjohr vun Kaiser Hadrian, also nah den August vun dat Johr 119. Nah den Liber Pontificalis sall he de Söhn vun en Römer mit Naam Alexander ut de Region Caput Tauri ween hemm. He sall teihn Johr, söben Maand un twee Daag Bischop vun Rom ween hemm un to Tiet vun Kaiser Trajan wiels dat Konsulat vun Aemilius Aelianus un Antistius Vetus in 116 storven ween. De Bischopsstohl bleev för 35 Daag vakant, bevör Sixtus de Nahfolge antreeden dee. In den Catalogus Liberianus wedderum wurrn Alexander elf Johr, twee Maand un een Dag toschreeven; de angeven Konsuln passen dorto aber nich. Dornah wurr Alexander wiels dat Consulat vun Cornelius Palma un Calvisius Tullus in dat Johr 109 to’n Bischop weeht wurrn ween uns all wiels dat Consulat vun Aelianus un Vetus in dat Johr 116 storven ween. He sall de Märtyrin Balbina un deren Vader Quirinus, de ebenfalls dat Martyrium erleeden dee, to dat Christendom bekehr un döfft hemm. All disse Nahrichten sünd aber nich verlässlich.

Verehrung

Alexander wurr in den Loop vun de Johrhunnerten mit den Merteler Alexander vun de Via Nomentana glieksett, de sien Gedenkdag as de vun den Bischop an’n 3. Mai begahn wurrd (in de orthodoxen Karken an’n 16. März). He is en Kanonhilliger, dat heet, dat sien Naam in dat Hochgebet nöötm wurrd. Wedder Irenäus noch Eusebius erwähnen aber en Martyrium vun Alexander.

De hl. Alexander wurrd gegen Kropf un Skrofeln anropen. Reliquien vun den Hilligen keemen 834 nah Freising, weshalb hier dat Fest vun de Reliquientranslatschoon an‘n 5. Mai begahn wurr. Ok nah Aschaffenburg, in de Stiftskark St. Peter und Alexander, gelangten Reliquien.

Indrag in de Schedel’schen Weltchronik van 1493

Alexander hett en eegen Indrag in de Schedel’schen Weltchronik van 1493. Up Blatt CXII över dat sösste Weltöller heet dat:

Literatur

• Friedrich Wilhelm Bautz: Alexander I.. In: Biographisch-Bibliographisches Kirchenlexikon (BBKL). Band 1, Bautz, Hamm 1975. 2., unverännert Uplaag. Hamm 1990, ISBN 3-88309-013-1, Sp. 100.
• Thomas Shahan: Pope St. Alexander I. In: The Catholic Encyclopedia. Band 1, Robert Appleton Company, New York 1907.
• Mario Ziegler: Successio. Die Vorsteher der stadtrömischen Christengemeinde in den ersten beiden Jahrhunderten. Habelt, Bonn 2007, ISBN 978-3-7749-3496-2.
• Henry Wace: Dictionary of Christian Biography and Literature.

Weblinks

Alexander I.. Mehr Biller, Videos oder Audiodateien to’t Thema gifft dat bi Wikimedia Commons.

• Gesamtwerk von Migne Patrologia Latina mit Inholtsverteken

Anmarken

Vörgänger	Amt	Nafolger
Evaristus	Paapst 106-115	Sixtus I.