Al Casey (Jazzmusiker)

Vun Wikipedia
Zur Navigation springen Zur Suche springen

Albert Aloysius Casey, genannt Al Casey, (* 15. September 1915 in Louisville, Kentucky; † 11. September 2005) weer en US-amerikanischer Jazzgitarrist.

Leven un Wark[ännern | Bornkood ännern]

Casey kreeg anfangs Ünnerricht up de Violine un speel Ukulele, ehe he sien eegentlich Instrument - de Gitarr – för sück opdeckte un erlernt hett. He speel van 1934 bit 1943 mit Fats Waller in de sien Bands, un he is de eenzig Gitarrist mit de "Fats" Upnahmen makt hett. Dorneben musizeer he noch bi Teddy Wilson, Mezz Mezzrow, Lionel Hampton, Coleman Hawkins, Earl Hines, Mildred Bailey, Billie Holiday (bit 1944), Louis Armstrong un Benny Carter (1946).
Weer he up de Schallplatten vun Fats Waller noch immer up de akustisch Gitarr to hörn, so hett he af de 1940er Johren blots noch de elektrisch verstarkt Variante vun dat Instrument bruukt.

Siet 1981 weer Casey Liddmaat in de Harlem Blues & Jazz Band, de besünners in Europa Spood harr un dor faken tourt is. Över de Johren geev dat in disse Band immer weer nee Besetten, aber Casey bleev noch as Över-80-Jöhriger ständig Liddmaat vun disse Combo, to de in de laat 1990er Johren ok de Rhythm-and-Blues-Tenorsaxophonist Bubba Brooks hörr. Anner Musiker in disse Band weern Al Vollmer, Clyde Bernhardt, Joey Morant usw. Disse Band bestunn ut langjöhrig „Veteranen“ vun de Swingmusik oder vun de jazzigen Rhythm and Blues un weer dorüm bi Fans vun dit Genre hooch ansehn.

In dat Johr 2005 is Al Casey an Darmkrebs storven.

Gitarrenstil[ännern | Bornkood ännern]

Casey harr sück den Swing un den swingenden Blues verschreeven. He weer en Plektrumspeler, de up Vull-Gitarren un – af de laat 1980er Johren - Halfresonanz-Gitarren vun der Firma Gibson speel. So as völ Gitarristen vun sien Generation weer he vun Charlie Christian präägt. As völlbeschäftigt Studiomusiker speel he nich blots Swing, sonnern as Liddmaat vun de King Curtis Band, de he van 1957 bit 1961 angehör, ok Rhythm and Blues. As de sück den Soul tewennen dee, kunn he sülvst ok dissen Stil gerecht wurrn.

Sonstiges[ännern | Bornkood ännern]

Albert Aloysius Casey ist nich identisch mit de etwa 20 Johr jüngeren witten, amerikaansch Gitarristen Al Casey, de in de Studiomusikerszene vun den Rock 'n' Roll vun de 1950er un fröh 1960er Johren aktiv weer un faken vun Produzent Lee Hazlewood insett wurr, as ok mit den Musiker Sanford Clark assozieert wurrd.

Weblenken[ännern | Bornkood ännern]