Aileen Riggin
Aileen Muriel Riggin (* 2. Mai 1906 in Newport, Rhode Island; † 19. Oktober 2002 in Honolulu) weer en US-amerikaansch Waterspringerin un Swemmsportlerin. Se hett an twee Olympisch Spelen deelnommen un hett den eersten olympschen Titel för Fruen in’t Kunstspringen haalt.
Karriere
[ännern | Bornkood ännern]Aileen Riggin nehm in dat Öller vun 14 Jahren an de Olympisch Sömmerspelen 1920 in Antwerpen deel. Se is dor in bei Wettbewarfen vun dat Waterspringen antreeden. In dat Kunstspringen vun dat Een- un Dree-Meter-Brett wurr se Eerste un wunn dormit vör hör Landsfruen Helen Wainwright un Thelma Payne de Goldmedaille. Dormit weer se de jüngste Olympiasiegerin, bit se 1936 vun de ebenfalls ut de USA stammend Marjorie Gestring aflööst wurr. In den Wettbewarfen vun den Veer- un Acht-Meter-Toorn keem Riggin up Rang fief. Veer Johr later, bi de Olympisch Sömmerspelen 1924 in Paris, is Riggin in den Wettbewarf vun dat Dree-Meter-Brett antreeden un wunn achter de Amerikanerin Betty Becker de Sülvermedaille noch vör Caroline Fletcher. Todem is se in de Swemmwettbewarfen noch över de 100 Meter Rüggswemmen antreeden. Dat tweet Halffinale reck se mit en Tiet vun 1:29,6 Minüüten as Eerste, in dat Finale reck se mit 1:28,2 Minüüten den darten Platz un wunn de Bronzemedaille achter Sybil Bauer un Phyllis Harding.
1926 truck sück Aileen Riggin ut den Amateursport torüch un wurr Profi. Se is mit Shows över verscheeden Utstellungen tourt, weer Dorstellerin in Ünnerwaterfilmen un in den eersten Tietlupenupnahmen vun Sprüngen. Riggin is ok in mehreren Hollywood-Filmen uptreeden un wurr en spoodriek Journalistin.
Nahderhen hett se heiraadt un weer denn ünner de Naam Aileen Soule bekannt, nahdem hör eerst Mann Dwight Young, mit den se een Dochter harr, in den Tweeten Weltkrieg fallen weer. 1967 wurr se in de International Swimming Hall of Fame upnommen.
Weblinks
[ännern | Bornkood ännern]
- Aileen Riggin in de International Swimming Hall of Fame (engelsch)
- Indrag bi olympedia.org (engelsch)