Adolf Reese

Heinrich Ernst Adolf Reese (* 2. März 1855 in Stood; † 24. Januar 1909 ok dor) weer en düütschen Broereebesitter un Politiker.

Reese is 1855 in Stood boren un weer dor op dat Realgymnasium. He hett dat Handwark as Beerbroer praktisch in dat Geschäft von sien Vader in Stood lehrt un in de Broeree Falkenkrug in Deppelt. De theoreetschen Grundlagen hett he op de Lehmannsche Broereeschool in Worms kennenlehrt. Tosätzlich hett he en koopmännsche Lehr bi de Firma Reese Gebr. in Bodenwerder maakt. Siet 1891 weer he Mitbesitter un siet 1903 alleenigen Besitter von de Firma L. A. Reese. 1873/1874 hett he as Eenjohrig-Freewilligen bi dat Feldattillerie-Regiment Nr. 9 in Stood maakt un is 1876 Leutnant von de Reserve, 1890 Premierleutnant un 1898 Hauptmann von de Landwehr worrn. 1894 is he as Börgervörsteher wählt un 1900 as Senater in dat Magistraatskollegium von Stood beropen worrn. Von 1888 bet 1898 weer he Vörsitter von’n Stoder Kriegervereen un von 1898 af an Vörsitter von’n Ünnerelvschen Bezirk von’n Düütschen Kriegerbund. He weer Dreger von’n Roden Aadlerorden IV. Klass.

Von November 1906 bet to sien Dood 1909 weer he för den Wahlkreis Hannover 18 (Stood, Geestmünn, Bremervöör, Oosterholt) Maat von’n Düütschen Rieksdag. He weer dor in de Natschonalliberale Partei.