Adolf Ahrens (Schaulmeister)

Adolf Theodor Johannes Ahrens (* 18. Oktober 1869 in Swaan ; † 27. Oktober 1932 in Warnemünn) wier ein dütschen Schaulmeister, Heimatforscher, Schriewer un Museumsbås.

Läben

Von 1884 bet 1887 besöcht Ahrens dei domaniale Präparandenanstalt tau Niekloster. Dornå arbeid hei as Assistent an verschieden Schaulen in dat Land. 1890 keem hei an dat Schaulmeisterseminar Niekloster taurügg. Nådem hei 1892 Schaulmeister för de Volksschaul wier, arbeid hei in Woren an’e Müritz as Schaulmeister. Ein Johr låter, up den 1. April 1893, wessel Ahrens as Schaulmeister nå Warnemünn. Hier liehr hei Wilhelmine Louise Johanna Wienke kennen, dei hei den 4. Oktober 1894 friegt het. 1921 bereep dei Warnemünner Fritz-Reuter-Schaul em tau’n Direkter, wat hei ok bet 1932 wier.

Hei wier bannig an Heimatgeschicht interessiert un het tau dat Thema väl Wark rutbröcht. 1899 keem sien iersten Bidrag in dei Tiedschrift Niedersachsen rut. Von 1907 an schreew hei för dat Rostocker Wochenbladd Heimat von de Mäkelborgsch Landsverein för ländliche Wollfohrt un Heimatplääg. Hier kemen väl vun sien Artikels oewer Warnemünn un ümtau rut. Later kemen ok noch Bidräg in dei Tiedschrift Mecklenburg von Heimatbund Mäkelborg un in dei Mecklenburgisch Monatsheft dortau.

Tohoop mit sienen Twääschen Rudolf Wilhelm Ahrens geew hei 1991 dei Monografie Bilder-Atlas zur mecklenburgischen Heimatkunde un 1919 Die Heide – dat Kleinod der Stadt Rostock rut.

Ahrens tell 1902 tau den Mitbegrünner von den „Plattdeutschen Vereins“ för Warnemünn un ümtau. 1906 würr hei Liddmat in de „Heimatbund Mecklenburg“. 1914 grünn hei dat Heimatmuseum Warnemünn un wier dei iehrenamtliche Bås.

1928 muss Ahrens siene Arbeid as Bås von dat Museum wägen siene Gesundheid upgäven. Adolf Ahrens bleee een poor Daag nå de Beginn von siene Penschon up den 27. Oktober 1932 in Warnemünn dood. Dat Graff liggt in Warnemünn in’n „Stephan-Jantzen Park“.

Schriften

• Bilder-Atlas zur mecklenburgischen Heimatkunde – für den heimatkundlichen Unterricht (und für Freunde der Heimat). Bärensprung, Swerin 1911 (RosDok).
• Die Heide, das Kleinod der Stadt Rostock – Geschichten und Bilder für Freunde der Heide. 2. Oplaag, Behrend & Boldt, Rostock 1920 (RosDok).
• veel Bigräg in Tiedchriften so as: Niedersachsen (1899–1919), Die Heimat (1907–1911) un Mecklenburgische Monatshefte (1925–1932)

Literatuur

• Antje Strahl, Reno Stutz (Rutgäwer): Der erste Weltkrieg in Mecklenburger Tagebüchern : Wilhelm Jahning, Wilhelm von Oertzen, Adolf Ahrens. (= Schriftenreihe der Stiftung Mecklenburg. Wissenschaftliche Beiträge; Band 5) Hinstörp, Rostock 2018, ISBN 978-3-356-02038-0 (Hrsg. im Auftrag der Stiftung Mecklenburg)
• Grete Grewolls: Wer war wer in Mecklenburg und Vorpommern. Das Personenlexikon. Hinstörp, Rostock 2011, ISBN 978-3-356-01301-6, S. 102. 
• Ahrens, Adolf. In: Stephan Sehlke: Pädagogen – Pastoren – Patrioten: Biographisches Handbuch zum Druckgut für Kinder und Jugendliche von Autoren und Illustratoren aus Mecklenburg-Vorpommern von den Anfängen bis einschließlich 1945. book on demand, Noordersteed 2009, ISBN 978-3-8370-9497-8, S. 10.

Weblenk

• Vörlaag:LBMV PPN
• Vörlaag:LBMV PER
• Werke von Adolf Ahrens in de Verbundkatalog vun de GBV