Zum Inhalt springen

Achterwehr

Vun Wikipedia
Wapen/Flagg Koort

Wapen vun
Achterwehr
Laag vun Achterwehr in Düütschland
Basisdaten

Kreis Rendsborg-Eckernföör

Flach:15,66 km²
Inwahners:1.011
Inwahnerdicht:64,6 Inwahners pro km²
Postleettall:24239
Vörwahl:04340
Geograafsche Laag:
Koordinaten:54° 19′ N, 9° 58′ O54° 19′ N, 9° 58′ O
Grenzen bi OSM:548502 548502
Gemeenslötel:01058001
Websteed:http://www.achterwehr.de/
Koort
Koort

Achterwehr is en Gemeen in’n Kreis Rendsborg-Eckernföör in Sleswig-Holsteen, westen vun Kiel. Grote Delen vun de Gemeen höört to’n Naturpark Westensee.

Geografie

[ännern | Bornkood ännern]

Geograafsche Laag

[ännern | Bornkood ännern]

Dat Gemeenrebeed vun Achterwehr liggt in’n Westen vun Kiel an’n Böverloop vun de Eider, just vör den Utloop dör den Achterwehrer Schippfohrtskanal in den Noord-Oostsee-Kanal.[1] De Gemeen liggt in den noordwestlichen Deel vun de naturrüümliche Hööfteenheit Oostholsteensch Högel- un Seenland (Nr. 702).[2] In dat Gemeenrebeed liggt de Ahrensee un de Poolsee.[1]

Gemeendelen

[ännern | Bornkood ännern]

To de Gemeen Achterwehr höort dat glieknamige Dörp un ok Hohenschulen (hoochdüütsch Hohenschulen) mit dat Goot Hohenschulen, Schöönwoold (hoochdüütsch Schönwohld) un dat Goot Marutendörp (hoochdüütsch Marutendorf).[3]

[ännern | Bornkood ännern]

Direkt an Achterwehr grenzt Quarnbeek in’n Noorden, Melsdörp in’n Noordoosten, Westensee, Molfsee un Mielkendörp in’n Süüdoosten un Felde in’n Westen.[1]

Historie

[ännern | Bornkood ännern]

Achterwehr wöör 1375 dat eerste Maal in dat Oorkundenbook vun de Stadt Lübeek nöömt.[4] Üm 1900 harr Achterwehr 229 Inwahners; in den Oort geev dat en Postagentur, en Dampsaagwark, en Kroog, en Koopmann, en Smed un fief Handwarkers. De mehrsten vun de annern Inwahners arbeiden op den Gootshoff.[5]

Goot Hohenschulen

Dat Goot weer oorsprünglich en Meierhoff vun dat Goot Lütt-Noordsee in Brandsbeek (vundaag en Deel vun de Gemeen Felde) un wöör eerst 1801 en egenständige Eenheit. Dat hüdige Gootshuus un de Meierei wöörn üm 1802 buut. Ünner sien eerste Besitter O. J. D. Wulff wöör dat offiziell in den Kreis vun de Adelsgöder in Holsteen opnahmen. Na Wulff (1801–1816) folgten as Besitter Georg v. d. Steenhof (1816–1822), Schreiber v. Cronstern (1823–1868) un – as bekanntster Besitter – de sleswig-holsteensche Oberpräsident Graf Carl von Scheel-Plessen (1868–1892).[6] Siet 1948 warrt dat as Versööksgood för dat Institut för Plantenanbu un Plantenproppen vun de Christian-Albrechts-Universität in Kiel bruukt.

Wapen

[ännern | Bornkood ännern]

Dat Wapen stellt de Funkschoon vun en Bohlenwehr mit de verscheden Waterhööchten dor un nimmt dormit Betog op den Oortsnaam Achterwehr („achter de Wehr“).

Blasoneren: „In Blaag en güllen Pahl, rechts begleit vun en daalsett, links vun en hoogsett sülvern Wachenbalken; över den rechten un ünner den linken Wachenbalken je en sülvern Bloom mit dree schüffelförmige Bloomblädder, de spitz utloopt.“[7]

Wat dat to bekieken gifft

[ännern | Bornkood ännern]
Der Achterweher Schippfohrtskanal

De Achterwehrer Schippfohrtskanal is en Kulturdenkmal in de Gemeen. De ganze Anlaag steiht wegen sien geschichtlich un technisch Bedüden as ok dör den starken Infloot up de Kulturlandschap ünner Schutz.

In Achterwehr hett de GAK Galerie fur aktuelle Kunst Achterwehr ehr Sitt; dor gifft dat Kunstutstellungen.[8]

In dat Dörp Achterwehr steiht en 500 Johr ole Eekboom, in Schöönwoold en noch öller Ievenboom.[9]

Verkehr

[ännern | Bornkood ännern]

De Stoppsteed Achterwehr liggt an de Bahnstreck Kiel-Hassee–Oosterrünfeld. Hier hollt Töög vun de Regionalbahn­lien 75 vun den Nahverkehrsverbund Sleswig-Holsteen in’n Stünnen-Takt.

Dör dat nöördliche Gemeenrebeed löppt de Trass vun de Bundsautobahn 210 twüschen Kiel un Rendsborg. De na de Gemeen nöömte Anslussstell liggt aver direkt an de Grenz in dat Gemeenrebeed vun Felde.[1]

Lüüd ut Achterwehr

[ännern | Bornkood ännern]

Biller

[ännern | Bornkood ännern]

Literatur

[ännern | Bornkood ännern]
  • Wolfgang Henze: Eine Idylle wie aus dem Bilderbuch. In: Wolfgang Henze (Hrsg.): Schleswig-Holstein-Topographie: Städte und Dörfer des Landes. Band 1: Aasbüttel – Bordesholm. Flying-Kiwi-Verl. Junge, Flensburg 2001, ISBN 3-926055-58-8, S. 15–17.

Weblenken

[ännern | Bornkood ännern]
Achterwehr. Mehr Biller, Videos oder Audiodateien to’t Thema gifft dat bi Wikimedia Commons.

Footnoten

[ännern | Bornkood ännern]
  1. 1 2 3 4 Relation: Achterwehr (548502) bi OpenStreetMap (Versioon #6). Afropen an’n 19. Dezember 2021.
  2. ↑ List: Zuweisung der Gemeinden zu den naturräumliche n Einheiten. (PDF) S. )7, afropen an’n 19. Dezember 2021.
  3. ↑ Wohnplatzverzeichnis Schleswig-Holstein 1987. (PDF) Statistisches Landesamt Schleswig-Holstein, 1992, S. 69, afropen an’n 19. Dezember 2021.
  4. ↑ Urkundenbuch der Stadt Lübeck, Bd. IV, S. 260
  5. ↑ Henning Oldekop: Topographie des Herzogtums Holstein, 1. Bd., Kiel: 1908, S. 54
  6. ↑ Henning Oldekop: Topographie des Herzogtums Holstein, 1. Bd., Kiel: 1908, S. 53–54
  7. ↑ [Vörlaag:SH-Wappenrolle Kommunale Wapenrull Sleswig-Holsteen]
  8. ↑ GAK Galerie för aktuelle Kunst Achterwehr. Afropen an’n 4. Mai 2015.
  9. ↑ Schleswig-Holstein-Topographie. Band 1: Aasbüttel – Bordesholm. Flying-Kiwi-Verl. Junge, Flensburg 2001, ISBN 3-926055-58-8 (dnb.de [afropen an’n 13. April 2020]).
  10. ↑ Grote, Werner. In: Walter Habel (Hrsg.): Wer ist wer? Dat düütsche Who’s who. 24. Utgaav. Schmidt-Römhild, Lübeck 1985, ISBN 3-7950-2005-0, S. 414.
Vun „https://nds.wikipedia.org/w/index.php?title=Achterwehr&oldid=1077012“