Achim Reichel

Achim Reichel (2019)

Autogramm Achim Reichel

Achim Reichel (* 28. Januar 1944 in Wendörp, Sleswig-Holsteen) is een düütschen Musiker, Komponist un Musikproduzent. Siene Hits harr he in den 1960er as Grünner un Frontsinger vun de Beat- un Rockband The Rattles un dat mit Bandprojekt Wonderland mit James Last un Titels so as Moscow. Vun de 1970er an süng un produzeer he Seemannsleder. In’n Juli 1991 harr he mit Aloha heja he een Top-Ten-Hit.

Loopbahn

Kinnertied

Reichel stammt na egen Angaven uut ene Seemannsfamilie. Sien Vadder weer Steward an Boord vun en Schipp. Ok Grootvadder un Onkel föhren op See. Reichel wuss in op St. Pauli op, maak ene Lehr as Kellner. He höör Rock ’n ’Roll un leer vundeswegen Gitarr spelen.

1960–1969: Frontsinger bi The Rattles un Wonderland

Reichel grünn 1960 de Band The Rattels, de tohoop mit de The Lords to den spoodrieksten düütschen Beat-Bands tellt. 1963 weer de Band mit den Rolling Stones op een England-Tour. De Grupp bröch bet 1966 rund 30 Singles ruut. Se weren mit de Beatles op Düütschland-Tour un bröchen enen Kinofilm Hurra, die Rattles kommen ruut. Mit Johnny Hallyday nehmen The Rattles 1965 Lass’ die Leute doch reden un It’s Monkeytime op. Reichel het för en Tied lang ok bi’n Hamborger Vereen HBC Heros boxt.

1966 muss Reichel na de Bundsweer un sien Musikkarrieer keem eerstmaal to’n Enn. The Rattles harrn just een paar Hits had, so as Come On and Sing un Stoppin’ in Las Vegas. De venienschen Kommentaren in de Press maken sik över sien langen Haren lustig, de he nu för de Bundswehr kort scheren muss. In siene Soldatentied het Frank Dostal Reichel bi The Rattles vertreden.

Na den Enn vun sienen Weerdeenst hüür Reichel tohoop mit Frank Doatal un anner Musikers den legendären Hamborger Star-Club an, muss man al Enn 1969 Insolvenz anmellen. Beter leep dat mit sien Bandprojekt Wonderland tohoop mit James Last, dat den Hit Moscow mit Psychedelic-Klangeffekten tostann bröch.

1970–1999: Stilwessel, Seemannsleder un Sommerhit Aloha heja he

Reichel bi enen Optrid 1971

Reichel weer nu Produzent un Solokünstler un dreih sik verscheden experimentellen un psychedeelschen Projekten to. He begünn mit den Soloprojekt A. R. & Machines un bröch dat Album Die grüne Wiese ruut, dat Kritikers mit sien meditativen Trance- un Industrial-achtigen Klang mit Kraftwerk un Tangerine Dream vergleken. In de Tied bröch he ok dat Acidfolk-Album Jesus Makes You High von Michael Anton & Amok ruut un de Alben vun de Grupp Ougenweide.

1975 bröch Reichel mit Dat Shanty Alb’m sien eerst Album mit Seemannsleder un Shantys ruut. He wessel unverworens Spraak un Stil. Tovöör weer sien Musik engelsch, nu weer se op Düütsch.

In sienen Leder süng he nu vun de Seefaart un he vertoon besünner op de LP Regenballade klassische düütsche, besünners noorddüütsche Lyrik, so as Herr von Ribbeck auf Ribbeck im Havelland, Der Zauberlehrling, Belsazar, Erlkönig, John Maynard, Nis Randers, Pidder Lüng, Trutz, blanke Hans.

Noch veel anner LP’s kemen ruut –üm 1980 boold jeed Jaar ene. Reichel arbeid ok mit Lyrikers so as Jörg Frauser un Kiev Stingl tohoop un harr von de 1970-er Jaren an jümmer wedder Hits in den düütschen Hitparaden. 1981 keem Blues in Blond mit den Hit Der Spiele ruut un he weer op Düütschland-Tournee. 1982 arbeid he wedder mit Frank Dotal tohoop för dat Projekt Weltschmertz, in den beid, ünner Pseudonymen, een Album ruutbröchen un twee Singles publizeren. De Alben un Singles kemen man nich so good an un de beiden Künstlers hören wedder op mit de Tohooptoarbeid. 1986 speel Achim Reichel im Film Va Banque vun Diethard Küster tohoop mit Windried Glatzeder, Willy DeVille, Rolf Zacher un Joschka Fischer. Later in dat Jaar reis Reichsel als Musikbodschopper vun dat Goethe-Instituut döör Süüdoostasien. Gegen Enn vun 1980-er maak Reichel wedder wat rockiger Musik, vun 1988 an geev he Reunion-Kunzerten mit The Rattles, de sik 1977 scheden harrn, un Reichel neem mit Bandkollegen een nee Studioalbum op.

1991 keem Reichels sien Studi-LP Melancholie & Sturmflut mit den Sommerhit Aloha heja je ruut. Dat Leed weer Nummer 5 vun de düütschen Singlecharts un bröch em ene Gollen Schallplaat in. De Song Amazonen von 1993 wullen veel Radiosenners wegen dat Woord Männerarsch in’n Leedtext nich spelen. Sienen 50. Geboordsdag fier he mit enen Konzert in de Große Freiheit 36. De Opnaam vun dat Kunzert keem as Live-Album ruut. 1996 neem he för Greenpeace enen Song över de Havaree vun de Ööltanker Exxon Valdez op.

Reichel produzeer in de Tied ok regelmatig Studioopnamen vun anner Künstlers, so as Kiev Stingl un Reiner Karge

Sied 2000

2003 fier he sien 40-jörig Bühnenjubiläum mit ene Party in de Fischauktschoonshall Hamborg. Dat Konzert het de WDR-Rockpalast opnamen un in’n Feernseen uutstraalt un as CD un DVD ruutbröcht. 2005 överneem Achim Riechel de Höövdrull in de NDR-Reeg DAS! reist för de 3. Staffel mit 53 Folgen. Mit den Album Volxlieder wenn sik Reichel 2006 wedder traditschonellen düütschen Leder to. Daar mang weren Sah ein Knab’ ein Röslein stehn un Es waren zwei Königskiner.

Twischen November 2009 un Oktober 2013 weer he mit siene Tournee SOLO MIT EUCH, mein Leben meine Musik-gesungen und erzählt ene Tour dör över 60 düütsche Städer.

Reichel weer af un an ok Schauspeler, to’n Bispeel in’n Feernsehserien Freundschaft mit Herz (1996), Großstadtrevier (2004) un den Speelfilm Va Banque (1986) vun Diethard Küster un 12 Meter ohne Kopf (2009).

2024 keem sien Live-Album Schön war es doch – Das Abschiedskonzert. Mit 80 Johren dach Reichel doröver na, siene Bühnenkarrieer to beennen. Anfang 2025 vertell he de Die Zeit Hamburg man, dat he jümmers noch nee’e Musikideen het, de ok in’e Maak sünd.

Privaatleven un Engagement

Achim Reichel is verheiraat un het twee Döchter uut twee Ehen. He wahnt in Hamborg-Hummelsbüttel. Den 15. September 2020 bröch Reichel ünner de Titel Ich hab das Paradies gesehen: Mein Leben siene Autobiografie bi de Rowohlt Verlag ruut.

2005 engageer sik Reichel as Bootschafter för de Deutsche Gesellschaft zur Rettung Schiffbrüchiger (DGzRS).

Diskografie

Alben

As A. R. & Machines

• 1971: Die grüne Reise
• 1972: Echo
• 1973: AR3
• 1973: A.R.IV
• 1974: AR5 Autovision
• 1975: Erholung – (live 1973)
• 1998: Echos aus Zeiten der grünen Reise (Kompilatschooonsalbum)
• 2017: The Art of German Psychedelic 1970-74 (10-CD-Boxset)
• 2022: 71/17 Another Green Journey (Live at Elbphilharmonie Hamburg)

Solo

• 1976: Dat Shanty Alb’m (englisch/plattdeutsch)
• 1977: Klabautermann
• 1978: Regenballade
• 1979: Heiße Scheibe
• 1980: Ungeschminkt
• 1981: Blues in blond
• 1983: Nachtexpress
• 1986: Eine Ewigkeit unterwegs
• 1988: Fledermaus
• 1989: Was Echtes

Mit den Rattles

• 1963: Twist im Star-Club
• 1964: Twist-Time im Star-Club Hamburg
• 1964: Live im Star-Club Hamburg
• 1964: The Searchers Meet the Rattles
• 1966: Star Club Show 1
• 1966: Liverpool Beat
• 1966: Hurra, die Rattles kommen (Soundtrack to de Kinofilm mit de glieke Naam)
• 1988: Hot Wheels
• 1990: Painted Warrior

Mit Wonderland

• 1971: Band Nr. 1

Mit Propeller

• 1972: Let Us Live Together

Mit Weltschmertz

• 1982: Weltschmertz

Sampler

• Der Spieler (1996)
• Echos aus Zeiten der grünen Reise (1998)

Singles

Anner Singles

• Trag es wie een Mann (1967)
• Ich hab von dir geträumt (1982)
• Boxer Kutte (1983)
• Nachtexpress (1984)
• Für immer un immer wieder (1988)
• Fledermaus (1988)
• Ein Freund bleibt immer een Freund (1992) mit Joachim Witt un Ulrich Tukur

Videoalben

Solo

• Va Banque (1986)
• 100 % Leben: Das Jubiläumskonzert (2004)
• Solo mit euch – mein Leben – meine Musik, gesungen un erzählt (2010)

A. R. & Machines

• Die grüne Reise (2007)

Mit den Rattles

• Hurra, die Rattles kommen (Kinofilm) (1966)

Autobiografie

• Achim Reichel: Ich hab das Paradies gesehen. Mein Leben. Rowohlt, Hamburg 2020, ISBN 978-3-498-00178-0.

Priesen

• 1992: RSH-Gold
• 2007: RUTH – Der deutsche Weltmusikpreis

Weblenken

• achimreichel.de
• Achim Reichel in de Internet Movie Database (engelsch)
• Biograafsch Överblick bi germanrock.de