Abbendörp (Landkreis Rodenborg)

Vun Wikipedia
Wapen/Flagg Koort
Wapen unbekannt
Abbendörp
Laag vun Abbendörp in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners: 283 (2009-09-3030. September 2009)
Postleettall: 27383
Vörwahl: 04286
Geograafsche Laag:
Koordinaten:53° 12′ N, 9° 23′ O
53° 12′ N, 9° 23′ O

Karte

Abbendörp (hoochdüütsch Abbendorf) is en Dörp in de Gemeen Scheeßl in’n Landkreis Rodenborg, Neddersassen. Binnen de Gemeen höört de Oort de polietsche Oortschop Abbendörp-Hetzweeg.

Geografie[ännern | Bornkood ännern]

Dat Water ut dat Rebeed flütt över de Meh-Au af.

De Naveröörd sünd Ehsdörp, Hatz un Bockhorst in’n Noorden, Sootel in’n Noordoosten, Wittkopsbossel (mit Olenhöben) un Hetzweeg in’n Oosten, Westerholt in’n Süüdoosten, Borchel in’n Süüdwesten, Heesdörp in’n Westen un Jeem, Elsdörp un Badenhorst.

Historie[ännern | Bornkood ännern]

In’n Eersten Weltkrieg sünd söven Soldaten ut Abbendörp fullen oder vermisst un in’n Tweten Weltkrieg 13.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Heeßel in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.

De Oort hett fröher tohoop mit Heesdörp en Buurschop billt, is aver in dat 19. Johrhunnert en egen Gemeen worrn, de denn an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Dorbi is Abbendörp binnen de Gemeen mit Hetzweeg to de Oortschop Abbendörp-Hetzweeg mit egen Oortsraad un Oortsbörgermeester tohoopslaten worrn.

Inwahnertall[ännern | Bornkood ännern]

Johr Inwahners
1791-00-001791[2] 6 Füürsteden
1824-00-001824[3] 12 Füürsteden
1848-00-001848[4] 100 Lüüd, 16 Hüüs
1871-12-011. Dezember 1871[5] 107 Lüüd, 17 Hüüs
1885-12-011. Dezember 1885[6] 114 Lüüd, 18 Hüüs
1905-12-011. Dezember 1905[7] 116 Lüüd, 19 Hüüs
1910-12-011. Dezember 1910[8] 131
1925-00-001925[9] 127
1933-00-001933[9] 133
1939-00-001939[9] 141

Religion[ännern | Bornkood ännern]

Abbendörp is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

Kriegerdenkmaal

En Denkmaal för de Fullenen ut de twee Weltkrieg’ steiht in Abbendörp an de Hauptstraat.

Verenen[ännern | Bornkood ännern]

De Schüttenvereen Abbendörp is 1912 grünnt worrn un hett siet 1934 den Naam Schüttenvereen Abbendörp-Hetzweeg.

Weertschop un Infrastruktur[ännern | Bornkood ännern]

Sprüttenhuus in Abbendörp

Abbendörp hett en egene freewillige Füürwehr, de 1947 grünnt worrn is.

Verkehr[ännern | Bornkood ännern]

Dör Abbendörp löppt de Landsstraat 131, de in’n Noordwesten över Elsdörp un Wist na Zeven an de Bundsstraat 71 ran geiht un in’n Süüdoosten över Hetzweeg un Westeresch na Scheeßl an de B 75. Von de L 131 in Abbendörp geiht na Noordwesten de Kreisstraat 141 af, de över Heesdörp un Jeem na Wehldörp föhrt, un von de K 141 noch wedder na Süüdwesten de K 238 över Borchel na de B 71 bi Rodenborg.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so fiev Kilometer in’n Noordwesten von Abbendörp an de L 131.

De nächste Bahnhoff is so bi negen Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Von 1906 bet 1968 hett dat ok Personenverkehr op de Bahnlien Bremervöör–Wasra geven. De Bahnhoff Jeem leeg in düsse Tied fiev Kilometer in’n Noordwesten.

Scholen[ännern | Bornkood ännern]

De Kinner ut Abbendörp gaht na de Grundschool Scheeßl.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 3
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 2
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de

Weblenken[ännern | Bornkood ännern]

Abbendörp (Landkreis Rodenborg). Mehr Biller, Videos oder Audiodateien to’t Thema gifft dat bi Wikimedia Commons.