21P/Giacobini-Zinner

Vun Wikipedia
Wesseln na: Navigatschoon, Söök
21P/Giacobini-Zinner
Comet 21P Giacobini-Zinner.jpg
Egenschoppen vun’n Orbit
(Simulatschoon)
Orbitklass kortperioodsch
Groot Halfass 3,527 AE
Perihel — Aphel 1,038 — 6,015 AE
Bahnexzentrizität 0,705
Bahnnegen gegen de Ekliptik 31,811 °
Ümlooptiet 6,621 a
middlere Bahnsnelligkeit 34,61 km/s
Physikaalsch Egenschoppen
Dörmeter ~2 km
Periheldörgang 11. Februar 2012
Historie
opdeckt vun Michel Giacobini
an’n 20. Dezember 1900
in Nizza, Frankriek

21P/Giacobini-Zinner is en kortperioodschen Komet. De Komet weer an’n 11. September 1985 vun de Ruumsond ICE (International Cometary Explorer) ünnersöcht un dormit de eerste Komet, de je vun en Ruumsond utforscht worrn is.

Opdecken[ännern | Bornkood ännern]

De Komet weern an’n, 20. Dezember 1900 von Michel Giacobini an de Nizza-Steernwacht in Frankriek opdeckt. Ofschoonst ut de Bahnbestimmen to sehn weer, dat sik dat üm en kortperioodschen Komet dreihn müss, künn he bi sien vörutseggten Torüchkamen in’t Johr 1907 nich wedder beobacht warrn. Dorna weer wedder 1914 mit den Komet rekent, man as Ernst Zinner an’n 23. Oktober 1913 en ne’en Komet funnen harr, hett sik bald rutstell, dat dat de Komet weer, den Giacobini 1900 al sehn harr. Siet de Tiet hett de Komet den dubbelten Naam vun beide Opdeckers.

Ümloopbahn[ännern | Bornkood ännern]

Giacobini-Zinner lööpt op en stark elliptische Ümloopbahn. In sien Perihel is de Komet blots ’n beten buten de Eerdbahn. Dat Aphel is dorgegen noch ’n beten wieter as de Jupiterbahn. Disse Egenschoppen wiest em as Liddmaat vun de Jupiter-Familie ut.

Wat sünners weer de Periheldörgang in’t Johr 1946, as de Komet bit op 0,26 Astronoomsche Eenheiten an de Eer rankamen is. De Komet hett dorbi en schienbore Helligkeit vun bit to de 7. Gröttenklass hatt.

De Komet Giacobini-Zinner is de Born för den Meteorstroom vun de Draconiden (ok Giacobiniden), de jeed Johr in eersten Hälft vun’n Oktober to sehn is.

Ruumsond ICE[ännern | Bornkood ännern]

Ruchweg een half Johr, vördem in’t Fröhjohr 1986 en Reeg vun verschedene Ruumsonden den Halleyschen Komet ünnersöcht hett, is de Ruumsond ICE (International Cometary Explorer) an’n 11. September 1985 in en Afstand vun 7.800 km vun’n Kometenkarn dör den Steert vun Giacobini-Zinner dörflagen. De Ruumsond weer eerst ünner den Naam ISEE 3 to’n Utforschen vun’n Sünnwind kort vör’t Opdrapen op dat Magnetfeld vun de Eer kontrueert. Se künn den de Tosamenwirken vun’n Sünnwind un dat Eerdmagnetfeld mit den Steert vun den Komet ünnersöken. En Kamera weer aver nich an Boord, so dat keen Biller maakt warrn künnen. Bi de Ünnersöken is rutkamen, dat dat Rebeet, op dat de Komet Influss hett, grötter is, as man dacht harr, un dat dat Magnetfeld vun’n Sünnwind sien Utrichten wesselt hett, as de Sond de Mitt vun’n Steert dörflagen hett. En kloren Boogschock bi’t Op’nannerdrapen vun Sünnwind un Komet künn de Sond aver nich wohrnehmen[1]

Kiek ok[ännern | Bornkood ännern]

Borns[ännern | Bornkood ännern]

  1. Nigel Calder: Jenseits von Halley. Springer, Berlin, Heidelbarg 1994, ISBN 3-540-57585-5, S. 84.

Weblenken[ännern | Bornkood ännern]