(41) Daphne

Vun Wikipedia
Zur Navigation springen Zur Suche springen
(41) Daphne
Egenschoppen vun’n Orbit
(Simulatschoon)
Orbitklass Hööftgördel
Grote Halfass 2,760 AE
Perihel — Aphel 1,999 — 3,520 AE
Bahnexzentrizität 0,2756
Bahnnegen gegen de Ekliptik 15,795 °
Ümlooptiet 4,58 a
middlere Bahnsnelligkeit 17,6 km/s
Physikaalsch Egenschoppen
Dörmeter 205,5 km
Masse (6,8 ± 0,1) · 1018 kg
Middlere Dicht 2,4 ± 0,7 g/cm³
Rotatschoonsduer 5,988 h
Albedo 0,059
Historie
opdeckt vun H. M. S. Goldschmidt
an’n 1856-05-2222. Mai 1856
in Paris
Annere Beteken 1949 TG

(41) Daphne is en Asteroid ut den Hööftgördel. Mit en Exzentrizität vun mehr as 0,3 un en Bahnnegen vun ruchweg 18° gegen de Ekliptik wiest he en ungewöhnliche Ümloopbahn op. Mit sien Dörmeter vun mehr as 200 km tellt he to de gröttsten Asteroiden vun’n Hööftgördel. De Asteroid driggt den Naam vun Daphne, en Nymphe ut de greeksche Mythologie.

Utforschen[ännern | Bornkood ännern]

(41) Daphne is an’n 22. Mai 1856 vun den düütsch-franzööschen Astronom Hermann Goldschmidt in Paris opdeckt worrn. Verkehrte Bereken vun sien Ümloopbahn hebbt to’t Opdecken vun (56) Melete föhrt, de toeerst as en tweet Sichten vun (41) Daphne ansehn weern.

1999 hett de Asteroid dree Steerns verdeckt. Tosamen mit en wietere Verdecken ’n beten later dat Johr geev dat Henwiesen, dat (41) Daphne en elliptische Form vun ruchweg 213 × 160 km opwiest[1]. De Lichtkurven düden op en unregelmatige Form hen. Mit Teleskopen is de Asteroid vun de Eer ut al mehr as tweedusend mol beobacht worrn.

Maand[ännern | Bornkood ännern]

An’n 28. März 2008 is künnig maakt worrn, dat en Maand üm Daphne opdeckt worrn is, de de vörlöpige Beteken S/2008 (41) 1 kregen hett. De Opdecken baseert op Ünnersöken vun Lichtkurven vun verschedene Steernwachten. Dorna hett de Maand en Dörmeter vun knapp 2 km[2], wat en bannig extreme Relatschoon twüschen de Grötten vun Asteroid un Maand dorstellt. De grote Halfass vun den Maand warrt mit ruchweg 405 km angeven. För een Ümloop bruult he ’n beten mehr as een Dag.

Kiek ok[ännern | Bornkood ännern]

Borns[ännern | Bornkood ännern]

  1. Thuillot u. a.: Astrometric parameters of asteroids from stellar occultations, 1999
  2. Wm. Robert Johnston: (41) Daphne