’Neath the Arizona Skies

Vun Wikipedia
Filmdaten
Plattdüütsch Titel:
Originaltitel: ’Neath the Arizona Skies
Düütsch Titel: Unter dem Himmel von Arizona
Produkschoonsland: USA
Johr vun’t Rutkamen: 1934
Läng: 52 Minuten
Originalspraak: Engelsch
Filmkru
Speelbaas: Harry Fraser
Dreihbook: Burl R. Tuttle
Produkschoon: Paul Malvern
Musik: William Barber
Kamera: Archie Stout
Snitt: Charles J. Hunt
Dorstellers

’Neath the Arizona Skies (op plattdüütsch so veel as „Ünner de Himmels vun Arizona“; dt. Titel: Unter dem Himmel von Arizona) is de Titel vun en US-amerikaanschen B-Western ut dat Johr 1934 mit John Wayne in de Hööftrull. De Film is an verscheden Öörd in’n US-Bundsstaat Kalifornien dreiht worrn[1]. De Premiere weer an’n 5. Dezember 1934 in de USA[2].

Inholt[ännern | Bornkood ännern]

Dat junge Indianerhalfblood Nina wasst bi Chris Morell op. Ehr Mudder is doot, man op de ehr Land warrt Ööl föddert, so dat de lütte Deern ’n lütt Vermögen tosteiht. Chris kann dorop aver as Tehvadder nich togriepen, vördem Nina ehr Vadder sien Ünnerschrift geven deit oder kloor nawiest ist, dat de Vadder ok doot is. Üm Nina op en ordige Scholl schicken to künne, maakt he sik mit de Deern op de Söök na den Vadder. De Bandit Sam Black will em dat Geld aver afjagen un ritt em mit sien Mackers achterran. Chris sleiht sik in de Büsch un lenkt de Verbrekers af, so dat Nina alleen op jemehr Peerd utrieten kann. He hollt jem hen un kann ok sülvst utneihn. Opletzt kippt he aver beet vun’t Peerd.

So warrt he vun Jim Moore funnen, de jüst even en Postroov maakt hett. Jim tuuscht mit den bewusstlosen Chris sien Kledaasch, vör dem den sien Süster Clara Moore an de glieken Steed vörbikummt un Chris versorgen deit. Dat stellt sik rut, dat Clara togliek ok de Süster vun en ollen Fründ vun Chris weer, de intwüschen storven is. Clara nimmt em mit na ehr Ranch, woneem he unvermodens Jim drapen deit. An sien Kledaasch kennt he foorts, dat he de Rover wesen mutt, seggt aver nix dorvun ut Bedacht op Clara. Dör’t Finster aver höört Jim un sien sien Kompliez Vic Byrd vun de lütten Nina, un dat se veel Geld weert is. De Deern is in de Twüschentiet op de Ranch vun Vic strannt, woneem se intwüschen op ehrn wohrhaftigen Vadder drapen deit. Vic un Jim dorgegen söökt na de Bande vun Sam Black un beedt jem an, Nina gegen en Andeel vun 10.000 US-Dollar uttolevern, wenn se butendem ok noch Chris an de Siet maakt.

Jim warrt kort later vun Vic ut Raffgier daalschaten. Chris finnt den swoor besherten Chris un höört vun em vun Vic sien Plaan. Gau ritt he na Vic sien Ranch. Dor is Vic intwüschen ankamen, üm de Deern aftohollen. Nina ehr Vadder lett dat aver nich to un schütt opletzt Vic doot. As Chris ankamen is, warrt de Ranch aver gau schon vun Sam Black un sien Lüüd inkreist, de butendem ok noch Clara as Börgsche fasthollen doot. Chris büdd sik sülvst to’n Tuusch mit Clara an. Op disse Wies kann he Tiet schinnen, bit Hülp kamen deit un de Mackers vun Black fastnahmen warrt. Sam Black kann sik aver de lütte Deern griepen un schütt ehrn Vadder över’n Hopen. Wiet kummt he aver nich: Chris sett em na un blifft in’n letzten Kamp de Winner.

Weblenken[ännern | Bornkood ännern]

’Neath the Arizona Skies. Mehr Biller, Videos oder Audiodateien to’t Thema gifft dat bi Wikimedia Commons.

Borns[ännern | Bornkood ännern]

  1. Dreihöörd in de IMDb
  2. Premierendaten op IMDb