Äthioopschen Klenner
De äthioopsche Klenner is ene Variant vun de koptsche Klenner. Bi dat Tellen vun de Johren geit de äthioopsche Klenner den Koptschen üm 276 Johren vöruut. He is in Äthiopien un bi Dokumenten vun de äthioopschen un eritreeschen orthodoxen Tewahedo-Kark in Bruuk.
Tellwies
[ännern | Bornkood ännern]De äthioopsche Tellwies löppt de gregoriaanschen Klenner 7 Jahren un rund 8 Maanden achterran. In den Johren 1900 bet 2100 na de gregoriaansche Klenner begünnt dat äthioopsche Klennerjohr allgemeen op den 11. September, dat Johr na enen äthioopschen Schaltjohr man op den 12. September (dat is de 12. September vör ene gregoriaansch Schaltjohr). So begünn to’n Bispeel op den 12. September 2007 dat äthioopsche Johr 2000.
Üm dat de äthioopsche Klenner so as de juliaansche, man anners as de gregoriaansche, kene Uutnahmen vun de Veerjohrszyklus bi de Schaltjohren kennt, sünd christliche Fierdaag in Vergliek to dat gregoriaansch Datum versett. Binnen jeden Veerjohrszyklus, de den Naam vun en Evangelisten dregt, is en Schaltjohr (to’n Bispeel dat äthioopsche Johr 1999) en ዘመነ ሉቃስ zämänä Luqas ‚Johr vun Lukas‘.
Maanden
[ännern | Bornkood ännern]| Ooldäthioopsch (un Tigrinya, Amharisch) | Koptsch | Beginn na greg. Klenner | Beginn vör/in Schaltjohr |
|---|---|---|---|
| Mäskäräm | Tut | 11. September | 12. September |
| Ṭəqəmt | Babah | 11. Oktober | 12. Oktober |
| Ḫədar | Hatur | 10. November | 11. November |
| Taḫśaś | Kiyahk | 10. Dezember | 11. Dezember |
| Ṭərr | Tubah | 9. Januar | 10. Januar |
| Yäkatit (Tn. Läkatit) | Amshir | 8. Februar | 9. Februar |
| Mägabit | Baramhat | 10. März | |
| Miyazya | Baramundah | 9. April | |
| Gənbot | Bashans | 9. Mai | |
| Säne | Ba'unah | 8. Juni | |
| Ḥamle | Abib | 8. Juli | |
| Nähase | Misra | 7. August | |
| Ṗagumen | Nasi | 6. September | |
(Anmarksel: De Daten sünd alleen vun 1900 bet 2100 güllig.)
Literatuur
[ännern | Bornkood ännern]- Emmanuel Fritsch: The Liturgical Year of the Ethiopian Church. The Temporal: Seasons and Sundays. St. Francis Major Seminary, Addis Abeba 2001 (Ethiopian Review of Cultures, Special Issue Band 9–10, ZDB-ID 2007294-6).
- Friedrich Karl Ginzel: Handbuch der mathematischen und technischen Chronologie. Das Zeitrechnungswesen der Völker. Band 3: Zeitrechnung der Makedonier, Kleinasier und Syrer, der Germanen und Kelten, des Mittelalters, der Byzantiner (und Russen), Armenier, Kopten, Abessinier, Zeitrechnung der neueren Zeit, sowie Nachträge zu den drei Bänden. J. C. Hinrichs, Leipzig 1906.