Nettbreef

Vun Wikipedia
Disse Artikel is man blots en Stubben. Du kannst Wikipedia helpen un em verbetern.
Dat At-Teken in jede SMTP-Nettbreef-Adress
Schrieven van enen Nettbreef met den Programm Mozilla Thunderbird up enen Macintosh

Een Nettbreev, is een Neosassismus för dat düütsche E-Mail, kort ook Mail (uut engelsch electronic mail för „elektroonsche Post“ oder „elektroonsche Breef“). Nettbreev’ sind een Systeem Narichten över Reeknernettwärke, sunnerlik dat Internett, to verstüren. Man ook de Naricht, de so een so elektroonsch överdregen oder kregen het, heet Nettbreev.

Nettbreev’ sind een wichtigen Deenst in’n Internett, denn Nettbreev’ maakt dat mööglik Textnarichten man ook digitale Dokumente (exempelwiese Grafiken oder Textdokumente) binnen een paar Sekunnen rund ümme de Eerden to stüren.

Anners as dat Telefoon oder de Internet Relay Chat, de synchrone Kommunikatschon to de glieken Tied mööglik maakt, sind Nettbreev’ – as de analoge Breevpost – een asynchroon Kommunikatschoonsmedium: De Senner stüürt siene Naricht likerveel de Adressat eer glieks annemen kann oder nich.

Historie[ännern | Bornkood ännern]

Eerdat Nettbreev’ upkemen verstüren de Lüüd’ Narichten as Breev oder Telegramm, läter ook – as de eersten beden elektroonschen Verfaren Narichten to överdregen – Feernschreven (Telex) un Teletex as ook dat Fax. To’n Enne van den 1980er Jaren begunn sik denn weltwied de Nettbreev uuttobreiden un was een mang den eersten Deensten, de dat Arpanett bruken. Nettbeev’ to verstüren was eerst nich de Sinn van Nettwärken as den Arpanett. So wunner sik de Arpanett-Initischater Lawrence Roberts 1967, dat so veel Brukers van wetenschoplik Reeknernettwärke Narichten unner een verstürt.

Een Vöörlöper van den Nettbreev was dat MAIL-Systeemkommando in den Tosatzprogramm Multics för dat CTSS Time-Sharing-Systemen an’n MIT, dat Glenda Schroeder, Louis Pouzin un Pat Crisman 1964/65 vöörslaan harrn un dat Tom Van Vleck 1965 ümmesette.[1][2] Narichten binnen den Arpanett to verstüren, stödde al 1968 J. C. R. Licklider an, un de Programmschrievers diskuteren de Idee (RFC 196, „Mail Box Protocol“ van Richard W. Watson van’n 20. Juli 1971). Na dat Multics, binnen dat een Programm för Nettbreev’ upricht worr, sik den Oktober 1971 an’t Arpanett ansloten harr, sette Mike Padlipsky een Nettbreevprogramm över dat Arpanet van de MAC Networking Group ümme.

Literatur[ännern | Bornkood ännern]

  • Etienne Ruedin, Carla Buser: e-Mail – der Zwitter. Vermeintliche und wirkliche Einflüsse des e-Mails auf den Menschen. Benziger Bildung – Émosson, [Zürich] 2008, S. 90 (Online – Zusammenfassung der gängigen und nicht einheitlichen Definitionen von e-Mail in der Wissenschaft aus Sicht von Sprache, Gender, Terminologie, Geschichte, Entwicklung, Technik).
  • Wayne Jansen et al.: Guidelines on Electronic Mail Security. Hrsg.: National Institute of Standards and Technology. Februar 2007, S. 139 (Online [PDF; 1,4 MB] Recommendations of the National Institute of Standards and Technology).
  • Holger Lüngen; Otfried Mickler (Vorwort): Organisation am Draht. Folgen des E-Mail-Einsatzes in Unternehmen. Eul, Lohmar / Köln 2004, ISBN 3-89936-198-9 (Dissertatschooon Gottfried Wilhelm Leibniz Universität Hannover 2003, XVIII, 287 Sieden).
  • Paul Ferdinand Siegert: Die Geschichte der E-Mail. Erfolg und Krise eines Massenmediums. In: Technik – Körper – Gesellschaft. Transcript, Bielefeld 2008, ISBN 978-3-89942-896-4 (Dissertatschoon an de Universität Lüneburg 2008, 360 Sieden).

Weblinks[ännern | Bornkood ännern]

E-Mail. Mehr Biller, Videos oder Audiodateien to’t Thema gifft dat bi Wikimedia Commons.
Wiktionary Wiktionary: Nettbreef – Bedüdensverklaren, Woortherkamen, Synonymen, Översetten

Vörlaag:Wikibooks

Nawiese[ännern | Bornkood ännern]

  1. Paul Ferdinand Siegert, Die Geschichte der E-Mail, Bielefeld: transcript 2008, S. 192 (Dissertatschoon Universität Lüneburg)
  2. The History of Electronic Mail. Afropen an’n 20. Oktober 2022 (engelsch).