Zarafa

Vun Wikipedia
Wesseln na: Navigatschoon, Söök

Zarafa weer de eerste Giraff in de Neetiet, de na en Reis, de mehr as twee Johren duer, in’t Johr 1827 op den Weg na Paris ehr Klau op europääschen Bodden sett.

Zarafa keem ut Zentralafrika. Mit’n Schipp keem se den Nil rünner un is denn in Alexandria ümstegen, üm dör dat Middelmeer na Marseille to schippern. In dat Deck vun’t Schipp müssen se en groot Lock sagen, dat de Gieraap ehren Hals dor dörsteken kunn. Se keem as Geschenk för Karl X., König vun Frankriek[1], na Paris, wo se en grote Sensatschoon weer. Vele Lüüd stunnen op de Straten un bewunnern den groten Slaks vun Deert op sienen Padd vun Marseille na Paris, den de Gieraap to Foot maken müss. In Paris hett se achtteihn Johren in’n Jardin des Plantes leevt[1]. Zarafa is an’n 12. Januar 1845 doot bleven.

Literatur[ännern | Bornkood ännern]

  • Zarafa - Die außergewöhnliche Reise einer Giraffe aus dem tiefsten Afrika ins Herz von Paris von Michael Allin; Diana Verlag, München, Zürich ISBN 3-453-17709-6

Borns[ännern | Bornkood ännern]

  1. 1,0 1,1 Frattini, Stéphane: Copain de Paris; Éditon Milan; Toulouse, 2006. ISBN 2-7459-1484-7