Yul Brynner

Vun Wikipedia
Wesseln na: Navigatschoon, Söök
Yul Brynner

Yul Brynner (russ’sch: Юл Бриннер, egentlich Juli Borissowitsch Brinner; * 11. Juli 1920[1] in Wladiwostok, Russland; † 10. Oktober 1985 in New York City) weer en US-amerikaansch-Swiezer Schauspeler, Singer un Gitarrspeler. De Dorsteller mit sien Kahlkoop tell in de 1950er Johren to de Hollywood-Stars, de an leevsten sehn weern. Sien bekannteste Rull weer as orientaalschen König in The King and I, de he in’n Film as ok in’t Theater speelt hett.

Leven[ännern | Bornkood ännern]

Yul Brynner weer de Söhn vun den Swiezer-mongoolschen Utfinner un Swiezer Konsul in Russland Boris Brynner un de russ’schen Doktersdochter Marussia Blagowidowa. He harr dat Börgerrecht vun de Swiezer Gemeen Möriken-Wildegg, Aargau. Af un an hett he sik sülvst Taidje Khan nöömt vun wegen sien mongoolsch Afkunft. En vun sien Öllern stamm na sien egen Utkunft vun de Roma af. Brynner weer Ehrenpräsident vun de International Romani Union un hett sik in de 1970er Johren sülvst insett, bi’t Bestreven vun de Roma, sik internatschonal tosamentosluten un internatschonal acht to warrn.[2]

As sien Vadder in de 1930er Johren de Familie verlaten harr, is de Moder mit em toeerst na China togen un later denn na Paris, woneem he en Eliteinternat besöcht hett. Man, he weer bald rutsmeten. In de folgen Johren hett Yul Brynner sik as en Artist bi’n Zirkus, as Liddmaat vun’t Taterorchester un Singer dörslahn. Sien munkelig-trurige Stimm weer 1956 in Anastasia to bewunnern. Vun 1940 an leev Brynner in de USA. He is de Patenonkel to de franzööschen Schauspelersche Charlotte Gainsbourg un to de Schrieversche Nathalie Rheims.

De dunntomalen noch nich bekannte Brynner hett an’n Broadway fief Johr lang de Titelrull in’t Musical The King and I speelt, woför he sik egens den Kopp kahl raseeren laten hett.[3] De Glatzkopp is dorna sien Markenteken worrn.

Sien schönsten Rullen hett he in de 1950er Johren speelt, as t. B. den geheemnisvullen, orientaalschen König in The King and I, den Pharao Ramses in The Ten Commandments un den heldenhaften, aver doch ok geheemnisvullen Chris in den Westernkultfilm The Magnificent Seven.

Dat he sik in de 1970er und 1980er Johren apentlich in de Romani Union stark maakt hett, hett dormols den Egenweertsinn vun de Roma vöranbrocht, de sik in de Tiet to’n eersten mol to politische Organisatschonen tosamenfunnen hebbt. Ut den Grund is Brynner in jemehr Organisatschonen to’n Ehrenliddmaat makkt worrn.

Brynner is 1985 dood bleven vun wegen dat he an Lungenkrebs krank weer. He harr sik vörher lange Tiet in Langenhagen bi Hannober behanneln laten. Kort vör sien Dood hett he in en Warffilm gegen dat Smöken mitwirkt un hett de Yul-Brynner-Foundation in’t Leven ropen – en Stiftung gegen dat Smöken, de dat ok vundaag noch gifft.

He hett to Leevtieten ok en Schallplatt mit russ’sche Volksleder rutbröcht, de he as Gitarrspeler un Singer tohopen mit Serge Camps inspeelt hett.

Filmografie (Utwahl)[ännern | Bornkood ännern]

Johr Titel Synchroonsnacker
1949 Port of New York
dt.: Rauschgiftbrigade
Sigmar Solbach
1956 The King and I
dt.: Der König und ich
Klaus Miedel
1956 Anastasia Klaus Miedel
1956 The Ten Commandments
dt.: Die zehn Gebote
Klaus Miedel
1958 The Brothers Karamazov
dt.: Die Brüder Karamasov
Hans-Dieter Zeidler
1958 The Buccaneer
dt.: König der Freibeuter
Klaus Miedel
1959 The Journey
dt.: Die Reise
 
1959 The Sound and the Fury
dt.: Fluch des Südens
Klaus Miedel
1959 Solomon and Sheba
dt.: Salomon und die Königin von Saba
Klaus Miedel
1960 Once More, with Feeling!
dt.: Noch einmal mit Gefühl
Klaus Miedel
1960 The Magnificent Seven
dt.: Die glorreichen Sieben
Heinz Giese
1962 Escape from Zahrain
dt.: Flucht aus Zahrain
Klaus Miedel
1962 Taras Bulba Heinz Giese
1963 Kings of the Sun
dt.: Könige der Sonne
Klaus Miedel
1964 Flight from Ashiya
dt.: Wir warten in Ashiya
Klaus Miedel
1964 Invitation to a Gunfighter
dt.: Treffpunkt für zwei Pistolen
Klaus Miedel
1965 Morituri Klaus Miedel
1966 Cast a Giant Shadow
dt.: Der Schatten des Giganten
Gernot Duda
1966 Poppies Are Also Flowers
dt.: Mohn ist auch eine Blume
 
1966 Return of the Seven
dt.: Die Rückkehr der glorreichen Sieben
Heinz Giese
1967 Triple Cross
dt.: Spion zwischen zwei Fronten
Heinz Giese
1967 The Double Man
dt.: Der doppelte Mann
 
1967 The Long Duel
dt.: Der Kampf
Helmo Kindermann
1968 Villa Rides
dt.: Pancho Villa reitet
Claus Biederstaedt
1969 The Madwoman of Chaillot
dt.: Die Irre von Chaillot
Martin Hirthe
1969 The File of the Golden Goose
dt.: Die Spur führt nach Soho
Heinz Petruo
1969 Bitka na Neretvi
dt.: Die Schlacht an der Neretva
Klaus Miedel
1971 Indio Black, sai che ti dico: Sei un gran figlio di...
dt.: Adios Sabata
Heinz Petruo
1971 The Light at the Edge of the World
dt.: Das Licht am Ende der Welt
Martin Hirthe
1971 Romance of a Horsethief
dt.: Ein Kerl zum Pferdestehlen
Wolfgang Kieling
1971 Catlow
dt.: Leben ums Verrecken – Catlow
Rolf Schult
1972 Fuzz
dt.: Auf leisen Sohlen kommt der Tod
Heinz Petruo
1972 Anna and the King, Feernsehreeg
dt.: Anna und der König von Siam
Hermann Ebeling
1973 Westworld Jochen Schröder
1973 Le Serpent
dt.: Die Schlange
Horst Niendorf
1975 The Ultimate Warrior
dt.: Krieger der Apokalypse
 
1976 Con la rabbia agli occhi
dt.: Höllenhunde bellen zum Gebet
 
1976 Futureworld  

Utteken[ännern | Bornkood ännern]

Yul Brynner is för sien Filmwarken mit dree Filmpriesen uttekent worrn un weer för wietere twee nomineert:

Borns[ännern | Bornkood ännern]

  1. Indrag Yul Brynner, SSN 108-18-2984, in’n Social Security Death Index
  2. Donald Kenrick, Grattan Puxon: Sinti und Roma. Die Vernichtung eines Volkes im NS-Staat; Göttingen 1981, S. 155.
  3. kiek: Hill, Tim: Filmstars. Parragon 2006, ISBN 1-4054-7888-8

Weblenken[ännern | Bornkood ännern]