Yasmina Reza
Vun Wikipedia
Yasmina Reza (* 1. Mai 1959 in Paris) is en franzöösche Schrieversche un Schauspelersche. In de ganze Welt is se vunwegen ehr Stücken „Kunst“ un „Dree Mol Leven“ in de lesten 10 Johren en vun de hüdigen Theaterschrievers wurrn, de an’n meisten speelt weert.
Inholtsverteken |
[ännern] Herkamen un Familie
Yasmina Reza is in Paris upwussen. Se stammt ut en jöödsche Familie, de allerwegens up de Welt tohuse is. Ehr Vadder keem ut’n Iran, ehre Mudder weer ut Ungarn un „de Grootöllern sünd enerwegens in Amerika inkuhlt“, as Reza süms seggt. Se is jummers noch in Paris tohuse un hett twee Kinner, en Deern un en Jung.
[ännern] Wie dat mit de Kunst lopen is
Reza hett Schauspeel studeert an de Universität Paris X un an de Universität Paris-Nanterre. Later is se an de Ecole Internationale de Théâtre Jacques Lecoq vun Jacques Lecoq gahn. Na’n Afsluss hett se up allerhand franzöösche Böhnen Stücken vun hüdige un klassische Schrievers speelt. 1987 füng se an, süms to schrieven. Dat duer nich lang un ehr Saken sund goot ankamen. För ehre eersten beiden Stücken hett se al den franzööschen Theaterpries „Molière för kregen. Dat drüdde Stück mit den Naam „Kunst“ is denn al över de ganze Welt hen wunnerbor anlopen. Dor is se denn ok in de ganze Welt as Schrieversche mit bekannt wurrn un hett verscheden internatschonalen Priesen kregen. An’t Enn vun de 1990er Johren füng se an un schreev ok Dreihböker un Prosa. Reza hett mol seggt, ehre eenzige Heimot, dat weer de Franzöösche Spraak. Just is se in Düütschland up’n Markt mit en Book över Nicolas Sarkozy. In dat Book „Frühmorgens, abends oder nachts“ (frz.: „L’aube le soir ou la nuit“) schrifft se, wie se vun Vörjohr 2006 bit Vörjohr 2007 een Johr mit em up Wahlkampf-Törn unnerwegens is.
[ännern] Theaterstücken
- Gespräche nach einer Beerdigung („Conversations après un enterrement“, 1987), Prix Molière
- Reise in den Winter („La Traversée de l'hiver“, 1989)
- Kunst („Art“, 1994), Prix Molière, Tony Award 1998, in 40 Spraken översett. 1994 in Paris to’n eersten Mol upföhrt. Düütsch vun Eugen Helmlé. ISBN 3-909081-77-0
- Der Mann des Zufalls („L'homme du hasard“, 1995)
- Drei Mal Leben („Trois versions de la vie“, 2000), To’n eersten Mol upföhrt an dat Borgtheater in Wien, Regie: Luc Bondy. Översett vun Eugen Helmlé. ISBN 3-909081-87-8
- Ein spanisches Stück („Une pièce espagnole“, 2004). Düütsch vun Frank Heibert un Hinrich Schmidt-Henkel. ISBN 3-90908198-3
- Ein Grammophon („Une lumière“, 2006)
- Der Gott des Gemetzels („Le dieu du carnage“, 2006), To’n eersten Mol upföhrt an dat Schauspeelhuus, Regie: Jürgen Gosch. Düütsch vun Frank Heibert un Hinrich Schmidt-Henkel. ISBN 3-905707-13-6
[ännern] Prosa
- Hammerklavier. Eine Sonate, 1998. Düütsch vun Eugen Helmlé. ISBN 3-250-60023-7
- Eine Verzweiflung („Une Désolation“, 1999), 2001. Düütsch vun Eugen Helmlé. ISBN 3-446-199-780
- Adam Haberberg („Adam Haberberg“, 2004), 2005. Düütsch vun Frank Heibert un Hinrich Schmidt-Henkel. ISBN 3-446-205-756
- Im Schlitten Arthur Schopenhauers („Dans la luge d'Arthur Schopenhauer“, 2005), 2006. Övers. vun Frank Heibert un Hinrich Schmidt-Henkel ISBN 3-446-207-201
- Nulle part, 2005
- Frühmorgens, abends oder nachts („L'aube le soir ou la nuit", 2007), 2008. Övers. vun Frank Heibert un Hinrich Schmidt-Henkel. ISBN 3-446-230-297
[ännern] Dreihböker
- Das Picknick von Lulu Kreutz („Le Pique-Nique de Lulu Kreutz“), 2000, mit verfilmt vun Rezas ehren Fründ Didier Martiny mit Philippe Noiret
- Jusqu'à la nuit, 1983
Up Platt is nix vun Yasmina Reza rutkamen.
[ännern] Weblenks
- Yasmina Reza*
- Der Gott des Gemetzels auf dem Theaterkanal
- Michael Ebert: Essay "Zum Theater der Yasmina Reza" up NACHTKRITIK.de
